Jeremy Bowen am godi ymwybyddiaeth ynghylch canser y coluddyn

 
Y newyddiadurwr a'r darlledwr, Jeremy Bowen

Y newyddiadurwr a’r darlledwr, Jeremy Bowen

Llun Nick (Wikimedia Commons CCA 2.0)

Mae darlledwr o Gymru wedi penderfynu dweud yn gyhoeddus bod ganddo ganser y coluddyn yn y gobaith y bydd yn helpu eraill.

Fe gafodd Jeremy Bowen, 59, sy’n un o newyddiadurwyr amlycaf y BBC, wybod bod ganddo ganser y coluddyn ym mis Hydref y llynedd ar ôl dioddef o boenau yn ei goesau a’i gefn.

Roedd y gŵr sy’n hanu o Gaerdydd wedi cadw’n dawel am y salwch am rai misoedd, cyn penderfynu mynd yn gyhoeddus yn ystod y mis sy’n codi ymwybyddiaeth am y canser.

Roedd yn siarad am ei brofiad ar raglen BBC Breakfast y bore yma (dydd Llun, Ebrill 1).

“Os ydy dod ar eich rhaglen yn golygu y bydd rhai pobol ychwanegol yn mynd am brofion ac o ganlyniad i hynny mae’r canser yn cael ei ddal, yna mae’n amser sydd wedi ei dreulio’n werth chweil,” meddai.

Mae Jeremy Bowen, sydd wedi treulio’r rhan fwyaf o’i yrfa yn ohebydd rhyfel y BBC, bellach yn un o noddwyr elusen Bowel Cancer UK.

“Dw i wedi bod yn dweud wrth bob un o’m ffrindiau, ‘ewch i gael eich profi’,” meddai. “Mae pobol dw i’n eu nabod wedi bod yn ymweld â’u doctoriaid er mwyn derbyn profion o ganlyniad i’r diagnosis a gefais i.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019