Gwario £4m ar adnewyddu Ysgol Pontyberem

Diweddarwyd  
Cynghorwyr Cyngor Sir Gaerfyrddin a disgyblion Ysgol Pontyberem

Cynghorwyr Cyngor Sir Gaerfyrddin a disgyblion Ysgol Pontyberem

Llun: Cyngor Sir Gaerfyrddin

Mae’r gwaith o adnewyddu Ysgol Pontyberem bellach wedi ei gwblhau, ar ôl i Gyngor Sir Gaerfyrddin fuddsoddi £4m yn y prosiect.

Roedd y prosiect, a wnaeth ddechrau ym mis Gorffennaf 2017, yn cael ei arwain gan y datblygwyr lleol, Lloyd a Gravell.

Roedd y gwaith mewnol yn cynnwys “ailwampio’r adeilad yn llwyr”, meddai’r cyngor, wrth osod lloriau a nenfydau newydd, lifft ar gyfer defnyddwyr cadeiriau olwyn, a system awyru newydd.

Cafodd ystafelloedd arbenigol ar gyfer anghenion dysgu ychwanegol, dylunio a thechnoleg a chelf eu creu hefyd, ynghyd â thoiledau newydd.

Cafodd y cyfan ei ariannu ar y cyd gan Gyngor Sir Gaerfyrddin a rhaglen Llywodraeth Cymru – Ysgolion yr 21ain Ganrif.

“Gwych oedd gweld y trawsnewidiad sydd wedi digwydd yn Ysgol Pontyberem,” meddai’r Cynghorydd Glynog Davies, aelod o’r Bwrdd Gweithredol sy’n gyfrifol am Addysg.

“Mae’n edrych fel pe baem wedi creu ysgol newydd ac, yn bwysicach na hynny, mae bellach yn darparu’r amgylchedd dysgu o safon uchel rydym yn ei greu drwy’r Rhaglen Moderneiddio Addysg – gan ddiwallu anghenion y disgyblion a’r athrawon.”

Bydd yr agoriad swyddogol yn cael ei gynnal ym mis Gorffennaf.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer