Deddfwriaeth yn gwneud y Dreth Gyngor yn “decach”

 
Waled o arian

Llun: Pixabay CC0

Bydd pobol sy’n methu â thalu’r dreth gyngor ddim yn cael eu carcharu, yn ôl deddfwriaeth newydd.

Mae’r ddeddfwriaeth newydd, a fydd yn cael ei chyflwyno heddiw (dydd Llun, Ebrill 1), yn bwriadu gwneud y dreth gyngor yn “decach”, gan “amddiffyn yr unigolion mwyaf agored i niwed yng Nghymru”.

Mae hefyd yn eithrio pobol ifanc – hyd at 25 oed – sy’n gadael gofal rhag gorfod talu’r dreth gyngor.

Mae Llywodraeth Cymru, ynghyd â Chymdeithas Lywodraeth Leol Cymru a’r awdurdodau lleol wedi ymrwymo i weithio mewn ffordd “fwy cyson” drwy gyflwyno Protocol Treth Gyngor Cymru.

Nod y protocol, meddai Llywodraeth Cymru, yw “canolbwyntio ar y bobol wrth ymdrin â dyledion, ôl-ddyledion a gorfodi”.

“Cam cadarnhaol”

Yn ôl Rebecca Evans, y Gweinidog Cyllid: “Rydyn ni’n gwybod bod aelwydydd yn cael trafferth ymdopi â diwygiadau lles Llywodraeth Prydain dw i eisiau gwneud yn siŵr bod Llywodraeth Cymru a’n hawdurdodau lleol yn gwneud popeth y gallwn i helpu.

“Mae’r ddeddfwriaeth newydd yn gam cadarnhaol arall i’r cyfeiriad cywir, ond mae llawer i’w wneud eto.”

Ychwanega’r Cynghorydd Mary Sherwood, llefarydd ar ran Cymdeithas Llywodraeth Leol Cymru: “Mae Protocol Treth Gyngor Cymru yn newid sylweddol yn ein hagwedd at ddyledion ac ôl-ddyledion a bydd yn canolbwyntio ar feithrin cysylltiadau yn gynnar gyda phobol sy’n talu’r dreth gyngor.

“Mae hefyd yn hybu perthnasoedd gwaith agosach gyda’n partneriaid yn y sector cynghori ac asiantaethau gorfodi i sicrhau nad yw problemau yn gwaethygu y tu hwnt i reolaeth yn ddiangen ar gyfer pobol agored i niwed.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl