Aelod Seneddol o Gymru yn pledio’n euog i gamarwain

Diweddarwyd am  

Christopher Davies AS

Llun swyddogol Senedd Prydain

Mae’r Aelod Seneddol Ceidwadol o Gymru, Christopher Davies, wedi pledio’n euog i ddau achos o roi gwybodath anghywir ar ffurflen dreuliau seneddol.

Roedd yr aelod tros Frycheiniog a Maesyfed yn ymddangos gerbron Llys Ynadon Westminster heddiw (dydd Gwener, Mawrth 22) pan gyflwynodd y blê.

Roedd y ddau gyhuddiad yn ymwneud â chyflwyno gwybodaeth ffug neu gamarweiniol wrth wneud cais am lwfans.

Fe gyfaddefodd Christopher Davies ei fod wedi gwneud cais am dreuliau seneddol ym mis Mawrth 2016, gan wybod bod yr anfoneb a gyflwynodd yn un “ffug neu’n gamarweiniol”.

Roedd yr ail gyhuddiad yn ymwneud â cheisio cyflwyno anfoneb debyg ym mis Ebrill 2016.

Cefndir

Mae Christopher Davies wedi bod yn cynrychioli Brycheiniog a Maesyfed yn San Steffan ers 2015, pan lwyddodd i faeddu’r Democrat Rhyddfrydol, Roger Williams, a fu’n dal y sedd ers 1983.

Ym mis Ionawr 2018, cafodd y cyn-gynghorydd sir ei benodi’n Ysgrifennydd Preifat i Swyddfa Gartref Cymru.

Cyn cychwyn ar yrfa mewn gwleidyddiaeth, bu Christopher Davies yn gweithio fel arwerthwr ac asiant eiddo yn ardal y Gelli Gandryll.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl