Maswr Cymru yn galw am ddatrys “llanast” y gêm ranbarthol

Diweddarwyd  

GAreth Anscombe

Llun: Undeb Rygbi Cymru

Mae Gareth Anscombe, maswr tîm rygbi Cymru, yn galw ar yr awdurdodau i ddatrys “llanast” y gêm ranbarthol.

Mae’r tîm cenedlaethol yn dathlu cipio’r Gamp Lawn am y tro cyntaf ers 2012, ond fe ddaeth ar ddiwedd cyfnod pan fo cryn drafod am ddyfodol y gêm ddomestig yng Nghymru.

Roedd cysgod dros gytundebau nifer helaeth o’r chwaraewyr yn ystod y gystadleuaeth, a Gareth Anscombe, maswr y Gleision, yn eu plith.

Bydd ei gytundeb yn dod i ben ar ddiwedd y tymor hwn, ac mae adroddiadau’n ei gysylltu â Harlequins a Chaerfaddon, ac mae’n cyfaddef fod rhagor o chwaraewyr yn ystyried symud i Loegr.

Fe fyddai ei yrfa ryngwladol yn dod i ben pe bai’n symud allan o Gymru, gan ei fod ymhell o’r 60 cap sy’n orfodol i chwaraewyr sy’n gadael y wlad.

‘Haeddu’r cytundebau gorau posib’

“Ffenest o ddeng mlynedd yn unig sydd gyda ni i ofalu amdanon ni ein hunain ac am wn i, y peth pwysig yw nad ydych chi am ddifaru wrth edrych yn ôl,” meddai.

“Fe fu’n anodd o ran yr hyn sy’n digwydd ym myd rygbi Cymru.

“Dydy hi ddim yn ddelfrydol, a ddim yn rhywbeth rydych chi am orfod ymdrin ag e fel chwaraewr.

“Gobeithio y gallwn ni roi’r llanast y tu ôl i ni a chanolbwyntio ar [y Gamp Lawn], sef yr hyn y dylen ni fod yn cyffroi yn ei gylch e.

“Rydyn ni i gyd eisiau chwarae dros Gymru, does dim amheuaeth am hynny, ond mae angen trin y chwaraewyr yn dda, ac rydyn ni’n haeddu hynny.

“Rydyn ni’n gwneud lot fawr dros y tîm a’r wlad, felly dylen ni dderbyn gofal.

“Mae angen datrys hynny ac fel chwaraewyr, rydyn ni’n haeddu’r cytundebau gorau posib.”

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019