£12m ar gyfer symud gwasanaethau iechyd y gorllewin i’r gymuned

Diweddarwyd am  
Nyrs yn siarad gyda chlaf

Gofal iechyd yn y gymuned

Llun: Llywodraeth Cymru

Mae Llywodraeth Cymru wedi cyhoeddi £12m ar gyfer prosiect i “foderneiddio a gwella” gwasanaethau iechyd a gofal cymdeithasol yn y gorllewin.

Yn ôl y Gweinidog Iechyd, Vaughan Gething, bydd yr arian yn cefnogi amrywiaeth o fentrau sy’n ceisio symud gwasanaethau o’r ysbyty i gartrefi a chymunedau.

Bwriad hyn yw ei gwneud hi’n haws i bobol gael gafael ar y gofal sydd ei angen arnyn nhw, i aros yn iach a chadw eu hannibyniaeth, meddai.

Bydd y cyfan yn cael ei arwain gan Fwrdd Partneriaeth Rhanbarthol Gorllewin Cymru, a’r prosiect yw’r diweddaraf i dderbyn cyllid o gronfa gwerth £100m a gafodd ei sefydlu gan Lywodraeth Cymru.

“Gyda disgwyliad oes yn codi a heriau iechyd y cyhoedd yn parhau, bydd ein gwasanaethau iechyd a gofal cymdeithasol yn wynebu mwy o alw fyth arnyn nhw yn y dyfodol,” meddai Vaughan Gething.

“Er mwyn diwallu’r galw hwnnw, mae’n rhaid i ni drawsnewid y modd yr ydym yn darparu gofal yn y dyfodol”.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl