Dŵdl y Dydd yn helpu elusen er cof am fachgen bach

 
Dwdl y Dydd y Gamp Lawn

Dŵdl y Gamp Lawn gan Rhys Padarn Jones (Orielodl)

Llun: Orielodl

Mae arlunydd a greodd ddarlun i ddathlu Camp Lawn tîm rygbi Cymru yn gwerthu llyfr o ‘ddŵdls y mis’ at elusen er cof am fachgen bach dwy oed fu farw yn 2015.

Mae elusen Jac Bach – er cof am Jac Harrison – yn helpu plant sydd angen triniaeth a fydd yn newid eu bywydau nhw, a’u teuluoedd, ac fe gafodd ei sefydlu gan ei rieni Siân ac Andy.

Cafodd Jac ei eni ar Ebrill 12, 2012 – hanner awr ar ôl ei efaill Wil – ac fe fu’n dioddef o salwch nad oedd modd ei esbonio am ran helaeth o’i fywyd.

Fe fu farw ym mreichiau ei fam ar Chwefror 3, 2015.

Dŵdl y Mis

Aeth yr arlunydd Rhys Padarn Jones (Orielodl) ati i lunio un dŵdl y dydd bob dydd ym mis Chwefror, fel rhan o her ehangach i godi arian at ddeuddeg o elusennau gwahanol yn ystod y flwyddyn.

Mae’r llyfr diweddaraf hwn yn cael ei werthu ar wefan e-bay tan 9 o’r gloch heno (nos Sul, Mawrth 17).

Mae’r casgliad o 28 dŵdl wedi cael ei roi at ei gilydd ar ffurf llyfr, a phob un yn ei arddull unigryw o gynnwys geiriau adnabyddus yn rhan o’r darluniau.

Mae’n gasgliad o eiriau allan o rigymau, caneuon poblogaidd, diarhebion a cherddi.

Mae’n defnyddio ‘sharpie’ (marciwr du) i greu’r darluniau ar bapur gwyn trwchus.

Mae’r arlunydd wedi llofnodi pob un o’r gweithiau’n unigol, ac mae modd cadw’r llyfr fel casgliad neu fel gweithiau unigol i’w fframio.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl