Dwyfor Meirionnydd: ymgeisydd Plaid Cymru yn ei le “erbyn yr haf”

Diweddarwyd  

Bydd ymgeisydd Plaid Cymru yn ei le i herio sedd Dafydd Elis-Thomas erbyn diwedd Mehefin.

Dyna mae Gwerfyl Jones, Ysgrifennydd pwyllgor rhanbarthol Dwyfor Meirionydd a’r swyddog dynodedig ar gyfer yr etholiad, yn ei ddweud wrth golwg360.

Bydd enwebiadau yn agor ar Ebrill 1, meddai, gyda dwy gynhadledd ddewis i ddilyn ar ddiwedd mis Mai a/neu ddechrau mis Mehefin.

Yn ystod y cynadleddau hyn, mi fydd aelodau’r etholaeth yn cael cyfle i bleidleisio am yr ymgeisydd yr hoffen nhw ei weld yn cynrychioli’r rhanbarth yn etholiad y Cynulliad 2021.

“Rydan ni’n edrych ymlaen at gael ymgeisydd yn ei le, neu yn ei lle, erbyn yr haf,” meddai Gwerfyl Jones.

Daw hyn i’r fei rhai dyddiau wedi i ddwy etholaeth – Llanelli ac Aberconwy – ddatgelu’r ymgeiswyr a fydd yn eu cynrychioli yn etholiad nesaf y Cynulliad.

Y cwyno

Yn siarad â golwg360 flwyddyn yn ôl, awgrymodd Gwerfyl Jones bod yna rhwystredigaeth nad oedd y blaid wedi’u caniatáu i fwrw ati i ddewis ymgeisydd.

Ond mae’n mynnu bod yr etholaeth bellach yn fodlon, ac mae’n datgelu mai dewis Pwyllgor y Rhanbarth oedd gohirio’r broses.   

“Mewn gwirionedd, ein dewis ni oedd hynny,” meddai. “Doeddwn ni ddim yn meddwl ei fod o yn ddoeth cynnal y broses yn ystod misoedd y gaeaf.

“Allwch chi ddim trefnu cynadleddau dewis mewn etholaeth mor fawr â hon, ym mis Chwefror neu fis Mawrth. Allwch chi ddim oherwydd y tywydd. Anawsterau teithio [oedd y pryder].”

Mae Dafydd Elis-Thomas wedi cynrychioli Dwyfor Meirionydd yn Aelod Cynulliad ers 2007. Yn wreiddiol yn aelod Plaid Cymru, trodd yn annibynnol yn 2016.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl