Cyn-brifathro o Geredigion yn pledio’n euog i droseddau rhyw

Diweddarwyd am  
Llys y Goron Abertawe

Llys y Goron Abertawe

Llun: Geograph

Mae cyn-brifathro ysgolion cynradd yn ne Ceredigion wedi pledio’n euog i chwe chyhuddiad sy’n ymwneud â throseddau rhyw.

Ymhlith y cyhuddiadau yn erbyn David Watkin Bundock mae bod ym meddiant lluniau anweddus o blant, gan gynnwys pedwar llun categori A; ceisio cyfathrebu’n rhywiol â phlentyn, a cheisio meithrin perthynas amhriodol â phlentyn.

Clywodd Llys y Goron Abertawe bod y troseddau wedi eu cyflawni rhwng mis Hydref 2017 ac Ionawr 2019.

Cafodd y gŵr 74 oed, sydd bellach yn byw yng Nghaerdydd, ei anrhydeddu ag MBE yn 2004, a hynny am ei wasanaeth i addysg.

Bu’n brifathro ysgolion cynradd yn ardaloedd Llandysul, Capel Dewi, Aberbanc a Phont-siân am gyfnod o 35 mlynedd, cyn dod yn arolygydd lleyg gydag Estyn.

Mae hefyd yn awdur llyfr ar hanes ardal Pont-siân, sef Crwydro Dyffryn Cletwr, a gafodd ei gyhoeddi yn 1979 er mwyn dynodi can mlynedd ers sefydlu’r ysgol gynradd leol.

Mae David Watkin Bundock wedi cael ei gadw yn y ddalfa a bydd yn cael ei ddedfrydu yn Llys y Goron Abertawe ar Fawrth 21.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl