Eisteddfod Genedlaethol 2022 yn cael ei chynnal yn Rhondda Cynon Taf

Diweddarwyd  

Yng Nghapel Seion nid ar faes y brifwyl fydd Oedfa’r Eisteddfod eleni

Daeth cadarnhad heddiw (dydd Mercher, Mawrth 6) mai Rhondda Cynon Taf fydd cartref Eisteddfod Genedlaethol Cymru 2022.

Bu Pwyllgor yr Eisteddfod Genedlaethol yn cyfarfod yn ddiweddar i ystyried faint o ddiddordeb sydd yn yr ardal, ac fe fydd y gwaith paratoi yn dechrau’n syth er mwyn rhoi’r peiriant ar waith.

Roedd Cyngor Rhondda Cynon Taf wedi mynegi diddordeb mewn cynnal y brifwyl yn 2017, ond fe aeth yr Eisteddfod i Ynys Môn y flwyddyn honno. Er hynny, mae trafodaethau rhagarweiniol wedi bod yn mynd yn eu blaenau dros y ddwy flynedd ddiwethaf ar gyfer 2022.

‘Anrhydedd’

“Mae’n anrhydedd i’n Bwrdeistref Sirol dderbyn cadarnhad y bydd hi’n gartref i Eisteddfod Genedlaethol Cymru 2022 ac rwy’n sicr y bydd yr achlysur yma yn cynnig cyfleoedd economaidd pwysig i Rondda Cynon Taf,” meddai Andrew Morgan, arweinydd y cyngor sir.

“Mae gan yr achlysur y potensial i roi hwb economaidd mawr trwy roi’r cyfle inni arddangos yr hyn sydd gan ein ardal i’w gynnig fel cyrchfan diwylliannol i ymwelwyr.

“Rydyn ni’n bwriadu cynnal yr achlysur mewn lleoliad canolog er mwyn manteisio i’r eithaf ar draws y rhanbarth.

“Yn 2022, bydd Metro De Cymru yn sicrhau bod y seilwaith trafnidiaeth gyhoeddus gorau posibl ar gael, er mwyn darparu ar gyfer y nifer sylweddol o ymwelwyr y mae’r achlysur yma’n eu denu – amcangyfrifir y bydd hyd at 150,000 o ymwelwyr yn dod.

“Mae’r cyfleoedd y mae Metro De Cymru yn eu creu yn ei gwneud yn bosibl i ni gymryd agwedd arloesol tuag at gynnal yr achlysur.”

 

Celfyddydau

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019