Cwest: tad wedi lladd ei wraig a’i ddau blentyn cyn lladd ei hun

 

Llun: Gwefan yr Heddlu

Mae cwest wedi clywed sut yr oedd tad wedi lladd ei wraig a’i ddau blentyn, cyn lladd ei hun, am ei fod yn credu ar gam fod ei wraig yn cael perthynas a dyn arall.

Roedd Paul Newman, 42, wedi taro ei wraig Geraldine Newman, 51, gyda morthwyl, cyn trywanu ei ferch, Shannon, 11, a’i fab Shane, 6, yn eu cartref yn Allerton Bywater yn Swydd Efrog yn 2016.

Roedd Paul Newman wedi teithio i Gaergybi ar Ynys Môn ar ôl hynny gan neidio oddi ar glogwyn ger Ynys Lawd a lladd ei hun.

Clywodd y cwest yn Llys y Crwner Wakefield bod y cwpl wedi ailgynnau’r berthynas ar ôl i Paul Newman dreulio cyfnod yn y carchar wedi iddo ymosod ar ei wraig yn 2013.

Ond roedd y briodas wedi “dirywio” adeg y digwyddiad ym mis Chwefror 2016 ac roedd Geraldine Newman wedi anfon neges testun at aelod o’r teulu yn yr wythnosau cynt yn dweud bod ganddi ofn ei gwr.

Dywedodd chwaer Paul Newman wrth y cwest nad oedd ei brawd yn ddyn treisgar nes iddo weld negeseuon testun gan ddynion eraill ar ffon ei wraig.

Clywodd y cwest bod disgwyl i Paul Newman gael cwnsela adeg ei farwolaeth.

Clywodd y cwest hefyd nad oedd tystiolaeth i ddangos bod Geraldine Newman yn cael perthynas gyda dyn arall.

Wrth grynhoi’r dystiolaeth dywedodd y crwner Kevin McLoughlin bod Geraldine Newman, Shannon a Shane wedi cael eu lladd yn anghyfreithlon a bod Paul Newman wedi lladd ei hun. Ychwanegodd na fyddai “unrhyw un fod wedi gallu rhagweld beth oedd yn mynd i ddigwydd er mwyn atal y drasiedi yma.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer