‘Fel Hyn Da Ni Fod’ yn ennill Cân i Gymru

Diweddarwyd  
Elidyr Glyn

Elidyr Glyn yn ennill Cân i Gymru 2019

Llun: S4C

‘Fel Hyn ‘Da Ni Fod’ gan Elidyr Glyn ddaeth i’r brig yng nghystadleuaeth Cân i Gymru eleni, wrth i’r gystadleuaeth ddathlu ei phen-blwydd yn 50 oed.

Cafodd y gân fuddugol ei dewis drwy bleidlais gyhoeddus fyw gan wylwyr S4C.

‘Gewn Ni Weld Sut Eith Hi’ gan Rhydian Meilyr oedd yn ail, gan ennill £2,000.

Yn drydydd roedd ‘LOL’ gan Dyfrig Evans.

Mae Elidyr Glyn yn ennill tlws y gystadleuaeth, yn ogystal â gwobr ariannol o £5,000 a’r cyfle i gystadlu yn yr Ŵyl Ban-geltaidd yn Iwerddon ym mis Ebrill.

Cafodd y gystadleuaeth ei chynnal yng Nghanolfan y Celfyddydau Aberystwyth, a’r beirniaid a ddewisodd yr wyth cân ar gyfer y rownd derfynol oedd Ryland Teifi, Kizzy Crawford, Geraint Lovgreen a Non Parry.

‘Profiad arbennig iawn’

“Mae wedi bod yn brofiad arbennig iawn bod yn rhan o’r gystadleuaeth eleni,” meddai Elidyr Glyn.

“Dw i wedi cael cefnogaeth wych gan deulu a ffrindiau a deithiodd lawr i Aberystwyth i fod yma gyda fi heno.

“Diolch iddyn nhw i gyd ac i bawb wnaeth bleidleisio hefyd. Dw i wrth fy modd!”

“Llongyfarchiadau i Elidyr Glyn ac i bob un o’r perfformwyr a’r cyfansoddwyr sydd wedi cymryd rhan yng Nghân i Gymru eleni – mae wedi bod yn noson anhygoel,” meddai Siôn Llwyd o Avanti Media, a gynhyrchodd y rhaglen.

“Mae safon yr artistiaid heno yn argoeli’n dda ar gyfer dyfodol Cân i Gymru a dyfodol cerddoriaeth Gymraeg.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019