Ymchwiliad am ganolbwyntio ar drwydded peilot Emiliano Sala

Diweddarwyd  
Gweddillion yr awyren oedd yn cludo'r pel-droediwr Emiliano Sala o Nantes I Gaerdydd

Gweddillion yr awyren oedd yn cludo’r pel-droediwr Emiliano Sala o Nantes I Gaerdydd.

Llun: AAIB/PA

Fe fydd ymchwiliad i ddamwain yr awyren a oedd yn cludo Emiliano Sala yn canolbwyntio ar drwydded y peilot, ymhlith materion eraill.

Mae’r Gangen Ymchwilio Damweiniau Awyr (AAIB) wedi enwi “anghenion rheoliadol” yn un o’r pedwar maes sydd angen bod yn destun ymchwil mwy manwl.

Mae adroddiad cychwynnol y corff ymchwilio yn nodi nad oedd y peilot, David Ibbotson, 59, yn meddu ar drwydded ar gyfer hediadau masnachol.

Roedd y math o drwydded a oedd ganddo yn golygu bod rhaid iddo “gyflwyno rheswm dilys tros wneud y daith”, meddai’r AAIB.

Mae’r adroddiad hefyd yn nodi bod glaw trwm yn yr ardal adeg y ddamwain a bod yr awyren wedi plymio i’r môr am 8.16yh.

Y ddamwain

Roedd Emiliano Sala, 28, newydd arwyddo cytundeb gwerth £15m gyda Chlwb Pel-droed Caerdydd pan ddiflannodd yr awyren a oedd yn ei gludo ar Ionawr 21, a hynny tra oedd yn teithio uwchben y Sianel.

Yr ymosodwr o’r Ariannin oedd yr unig deithiwr ar fwrdd y Piper Malibu a oedd yn teithio o Nantes yn Llydaw i Faes Awyr Caerdydd.

Daethpwyd o hyd i’w gorff ar Chwefror 6, ond mae corff David Ibbotson, 59, o Crowle, Swydd Lincoln, yn parhau ar goll.

Mae teulu’r peilot yn gobeithio ailgychwyn ymdrechion i chwilio amdano yr wythnos hon ar ôl i gronfa ar-lein gasglu £250,000.

Mae’r awyren yn dal i fod ar waelod y môr, wrth i amodau tywydd rwystro unrhyw ymdrech i’w chodi.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer