Gosod pont dros dro ym Mhen Llŷn

 
Gosod pont dros dro dros Afon Rhyd-hir

Gosod pont dros dro dros Afon Rhyd-hir

Llun Cyngor Gwynedd

Bydd pont newydd dros dro yn cael ei gosod dros Afon Rhyd-hir ar yr A497 rhwng Efailnewydd a Boduan, ym Mhen Llŷn, ac yn agor yr wythnos nesaf.

Roedd rhaid cau Pont Bodfel wythnos diwethaf oherwydd difrod strwythurol sylweddol.

Erbyn hyn mae pont Bailey un lôn wedi ei gosod yno sy’n golygu y bydd y ffordd yn cael ei ail-agor o dan system oleuadau traffig ddwyffordd.

Yn y cyfamser, bydd y gwaith o ddiogelu’r hen Bont Bodfel yn mynd yn ei flaen, a chynlluniau i’r sefyllfa tymor hir yn bwrw ymlaen.

Dywedodd y Cynghorydd Gareth Griffith, Aelod Cabinet Cyngor Gwynedd dros wasanaethau Priffyrdd a Bwrdeistrefol, ei fod yn “siŵr y byddai’r gymuned gyfan yn cytuno fod yr ateb dros dro yma i’w groesawu.

“Golygai y byddwn yn gallu ail-agor y ffordd yn gynt gan leihau’r risg o ddamwain ffordd ac mae’n galluogi’r gwasanaethau brys i ymateb cyn gynted â phosib i alwadau yn yr ardal.”

“Hoffwn gymryd y cyfle i ddiolch i bobl leol a gyrwyr am fod mor amyneddgar ers i’r bont gael ei difrodi tair wythnos yn ôl.

“Gobeithio bydd y datblygiad diweddaraf yma yn gwneud bywyd yn haws i drigolion a busnesau’r ardal sydd wedi gorfod gwneud taith ychwanegol o wyth milltir o Foduan i’r Ffôr.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones