Hen siop yn ail-agor fel caffi i’r gymuned

Diweddarwyd am  

Siop Griffitrhs, yr hen Muriau Stores, Pen-y-groes

Llun: www.geograph.co.uk

Dair blynedd ar ôl dechrau ymgyrch i achub adeilad yn eu pentref, mae rhai o drigolion Pen-y-groes, Dyffryn Nantlle yn dathlu wrth weld caffi newydd yn agor ynddo.

Yr Orsaf fydd yr enw newydd ar hen Siop Griffiths, sef hen siop nwyddau haearn yng nghanol y pentref.

Gwraig o Ben-y-groes, Pamela Hughes, fydd yn rhedeg y caffi – y cam cyntaf yn y datblygiad – ble mae gobaith y bydd cyfle i ddatblygu Canolfan Ddigidol i bobol ifanc hefyd.

Y fenter

Yn 2016 fe gododd trigolion y pentref dros £50,000 i brynu Siop Griffiths – adeilad oedd yn wag ers 2010, ac a oedd yn cyflym adfeilio.

Mae’r gwaith ar y caffi wedi costio dros £160,000. Daeth £123,000 o grant Cronfa Datblygu Cymunedau Gwledig, £30,000 gan Gyngor Gwynedd, a’r gweddill gan arweinwyr y fenter – Siop Griffiths Cyf.

Ynghyd â’r Ganolfan Ddigidol, mae gobaith y bydd llety yn agor i ymwelwyr yn hwyrach yn y flwyddyn, gyda grant o dros £400,000 gan y Loteri Fawr.

Mae cwmni adeiladu lleol wedi bod yn gweithio ar yr adeilad ers mis Mai, gyda thrigolion lleol hefyd wedi bod yn cyfrannu drwy glirio, glanhau, ac ers y Nadolig, yn paentio ac addurno.

“Cymuned wedi llwyddo”

“Rydym yn falch iawn fod ymdrechion y gymuned wedi llwyddo,” meddai Sandra Roberts, Cadeirydd Siop Griffiths Cyf.

“Gofynnodd trigolion i ni yn 2015 i helpu achub yr adeilad, ac roedd pobol yn barod i gefnogi’r fenter, gyda dros 200 o bobol yn cyfrannu at ei brynu,”

Gyda’r agoriad, bydd Siop Griffiths yn datgelu llun gan yr artist lleol, Luned Rhys Parri, a gomisiynwyd yn arbennig ar gyfer y caffi.

“Gyda mentrau cymunedol does byth digon o bres, felly rydan ni’n dibynnu ar wirfoddolwyr i helpu yn y prosiect,” meddai Sandra Roberts.

“Yn ystod y flwyddyn mae pobl wedi cyfrannu 700 awr o oriau gwirfoddol, yn cynnwys paentio pob nos ers Dydd Calan i gael y caffi yn barod.”

Mae deuddeg aelod Bwrdd Siop Griffiths Cyf i gyd yn byw o fewn milltir i’r adeilad, gyda naw ohonyn nhw’n dod o’r ardal yn wreiddiol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed