Cwest: Emiliano Sala wedi marw o ganlyniad “i anafiadau i’w ben a’i gorff”

Diweddarwyd  
Sgarffiau a blodau wedi cael eu gadael i Emiliano Sala tu allan i Glwb pel-droed Dinas Caerdydd

Sgarffiau a blodau wedi cael eu gadael i Emiliano Sala tu allan i Glwb pel-droed Dinas Caerdydd

Llun: Ben Birchall/PA

Mae cwest i farwolaeth peldroediwr Caerdydd, Emiliano Sala, wedi clywed ei fod wedi marw o ganlyniad “i anafiadau i’w ben a chanol ei gorff.”

Roedd y pêl-droediwr o’r Ariannin yn teithio o Nantes i Gaerdydd mewn awyren fechan pan ddiflannodd wrth hedfan dros y Sianel ger Guernsey ar Ionawr 21.

Roedd yr awyren yn cael ei hedfan gan y peilot David Ibbotson, 59 oed.

Cafodd corff Emiliano Sala, 28, ei godi o weddillion yr awyren ar wely’r môr wythnos ddiwethaf a’i gludo i’r lan yn Portland.

Cafodd y gwrandawiad ei gynnal yn Llys y Crwner Bournemouth heddiw (dydd Llun, 11 Chwefror).

Mae’r Crwner Brendan Allen wedi gohirio’r cwest tan 6 Tachwedd ar gyfer adolygiad cyn cwest, ar ôl clywed y gallai ymchwiliad y Gangen Ymchwiliadau Damweiniau Awyr (AAIB) i’r digwyddiad gymryd rhwng chwe mis a blwyddyn.

Roedd Emiliano Sala newydd arwyddo gyda Chlwb Pêl-droed Caerdydd am £15 miliwn ac yn teithio nôl i ymarfer gyda’r clwb pan fu farw.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl