Mwy na 500 o ysgolion ynghau yn y de a’r canolbarth oherwydd eira

Diweddarwyd am  

Llun: Simon Koopmann CC 3.0 trwy Commons Wikimedia

Mae o leiaf 500 o ysgolion yn ne a chanolbarth Cymru ynghau bore ma (dydd Gwener, 1 Chwefror) oherwydd eira trwchus dros nos.

Mae’r rhan fwyaf o’r ysgolion sydd ynghau yn ardal Rhondda Cynon Taf, Merthyr Tudful a Chaerdydd ond mae ysgolion hefyd ynghau yng Nghaerffili, Pen-y-bont ar Ogwr, Sir Fynwy, a Chastell-nedd Port Talbot.

Mae sawl ffordd wedi cau yn y Cymoedd a rhybudd am amodau gyrru gwael ar ffyrdd eraill yn y de a’r canolbarth.

Ym Mhowys roedd hyd at 10cm o eira wedi cyrraedd rhannau o’r sir.

Mae 11 o gartrefi yn Llandrindod heb gyflenwad trydan.

Ym Maes Awyr Caerdydd a Bryste mae rhai teithiau awyr wedi cael eu canslo neu wedi eu gohirio. Maen nhw’n cynghori teithwyr i checio’r wybodaeth ddiweddara’ ar eu gwefan neu i gysylltu a’u cwmni teithio am ragor o fanylion.

Mae Trafnidiaeth Cymru hefyd wedi rhybuddio y bydd oedi i wasanaethau tren mewn rhai llefydd bore ma.

Mae rhybudd melyn am eira ac ia mewn grym tan tua 1yp pnawn ma.

Cernyw

Yng Nghernyw mae trafferthion mawr ar yr A30 ger Temple a bu tua 100 o geir yn sownd yn yr eira dros nos. Bu’n rhaid i nifer o bobl aros yn nhafarn y Jamaica Inn ar Rostir Bodmin dros nos.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019