Gwerthu Banksy Port Talbot am arian mawr

 

Y murlun yn Port Talbot

Llun: PA

Mae darlun gan Banksy wnaeth ymddangos ar garej ym Mhort Talbot wedi cael ei werthu am swm chwe ffigwr.

Arbenigwr ar waith Banksy, John Brandler, sydd wedi prynu’r darn o’r enw ‘Seasons Greetings’ gan berchennog y garej, Ian Lewis.

Ers iddo ymddangos yno ychydig cyn y Nadolig, mae tua 20,000 o bobol wedi ymweld â’r safle.

Yn ôl y prynwr John Brandler, bydd y darn yn aros ym Mhort Talbot am ddwy neu dair blynedd ond efallai caiff ei symud i ganol y dref gan gadw at ddymuniad Ian Lewis – sydd wedi gwrthod cynigion uwch o arian er mwyn cadw’r darn o fewn cyrraedd y gymuned leol.

Wrth siarad cyn y gwerthu, dywedodd John Brandler: “Fe ddylai ddod â llawer o dwristiaeth i Bort Talbot, nid dyma gyrchfan gwyliau sydd yn rhif un ar restrau  y rhan fwyaf o bobl.”

Ymddangosodd darn Banksy yn Taibach, yn agos at waith dur Tata.

Ar un ochr i’r wal, mae llun o blentyn mewn het gyda sled, ac mae’n ymddangos fel ei fod yn mwynhau cawod o eira ac yn ceisio dal y darnau ar ei dafod. Ond ar ochr arall y wal, daw’n glir mai cawod o ludw yw’r ‘eira’ sy’n syrthio ar y plentyn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer