Galw am “rwydwaith” o bwyntiau gwefru ar gyfer ceir trydan

Diweddarwyd  

Car trydan yn cael ei wefru

Llun: CC0

Mae angen sefydlu “rhwydwaith” o bwyntiau gwefru ledled y wlad ar gyfer ceir trydan, yn ôl pennaeth caffi cymunedol yng ngogledd Ceredigion.

Daeth Caffi Cletwr, yn Nhre’r Ddôl, yn gartref i ‘wefrwr cyflym’ cyntaf Ceredigion ym mis Medi y llynedd.

Mae modd gwefru car trydan yno mewn llai nag awr, ac yn y cyfamser mae gyrwyr yn medru manteisio ar wasanaethau eraill y caffi.

Misoedd wedi iddo gael ei lansio, does dim un ‘gwefrwr cyflym’ arall wedi’i osod yng ngorllewin Cymru ac mae cadeirydd Cletwr, Nigel Callaghan, yn pryderu am hynny.

“Y broblem yw taw ni yw’r unig rapid charger o hyd,” meddai wrth golwg360. “Mae pobol yn medru gwefru mewn rhyw hanner awr, hyd at dri chwarter awr.. Mae pwyntiau gwefru] eraill yn cymryd oriau.

“Mae’n rhaid i ni gael rhagor. Mae’n rhaid i ni gael rhwydwaith ohonyn nhw … I bob pwrpas dim ond ar yr A55 a’r M4 gewch chi rapid chargers eraill yng Nghymru.

“Does dim byd am dros hanner can milltir – efallai chwedeg milltir. Petasech eisiau teithio o ardal Aberystwyth yn syth at y Bont [Hafren], byddai hynny’n amhosib mewn car trydan. Does dim byd rhwng Tre’r Ddôl a’r M4.”

Tap trydan

Er mai ar dir Cletwr y mae’r pwynt gwefru, cwmni Charge Master sy’n gyfrifol amdano, ac mae taliadau cwsmeriaid yn mynd i’r cwmni hwnnw.

Mi dalodd Cletwr am gostau adeiladau’r pwynt, a nhw sydd yn talu am y trydan, ond mae Charge Master yn eu talu yn ôl. Mae ar gael i’w ddefnyddio 24 awr y dydd.

Mae Nigel Callaghan yn credu ei fod yn llwyddiant hyd yma, a’n dweud ei fod wedi cael ei ddefnyddio 118 gwaith ers cael ei lansio.

“Tap trydan” yw’r term mae e’n ei ddefnyddio am y pwynt gwefru, ac mae’n mynnu mai “gwasanaeth” yw’r gwefrwr – nid ffynhonnell elw.

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed