Mwy yn y carchar yng Nghymru nag yn unman yng ngorllewin Ewrop

Diweddarwyd  
Mynedfa'r carchar

Carchar y Parc ger Pen-y-bont ar Ogwr

Llun: Kenneth Rees CCA2.0

Mae mwy o bobol yn cael eu carcharu yng Nghymru nag yn unrhyw wlad arall yng ngorllewin Ewrop, yn ôl ymchwil newydd.

Ac mae’r dystiolaeth yn dangos bod eisiau trafodaeth lawn ar y ffigurau, meddai arweinydd yr ymchwilwyr.

Er fod lefelau troseddu’n is yng Nghymru nag yn Lloegr, mae cyfran uwch o bobol yn cael eu carcharu yma, meddai adroddiad gan ymchwilwyr yng Nghanolfan Llywodraethiant Cymru ym Mhrifysgol Caerdydd.

Dyma’r ystadegau:

  • Mae 154 o garcharorion am bob 100,000 o bobol yng Nghymru.
  • Yn Lloegr, y ffigwr yw 141 am bob 100,000.
  • Roedd lefelau carcharu wedi cwympo yn Lloegr rhwng 2010 a 2017 ond wedi codi ychydig yng Nghymru.
  • Mae mwy o ddedfrydau carchar byr yng Nghymru nag yn Lloegr – cyfartaledd yn 2017 o 13.4 mis yn erbyn 17.2 mis.
  • Mae pobol wyn yn cael dedfrydau byrrach yng Nghymru na phobol o gefndiroedd eraill.

Fe ddaeth y ffigurau trwy gais rhyddid gwybodaeth i’r Weinyddiaeth Gyfiawnder a dyma’r tro cynta’ i allu cymharu ffigurau clir rhwng y ddwy wlad.

‘Angen dadl drylwyr’

“Mae darlun manwl yn graddol ddod i’r amlwg yn dangos sut y mae’r system gyfiawnder yn wahanol yng Nghymru o gymharu â Lloegr,” meddai arweinydd yr ymchwil, Dr Robert Jones.

“Mae angen dadl drylwyr ynglŷn â pham bod dedfrydu fel hyn a phatrymau carcharu fel hyn yn digwydd yng Nghymru.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer