Cyn-bostmon o Gaerdydd yn pledio’n euog i droseddau brawychol

Diweddarwyd  

Llun: CCO

Mae cyn-bostmon o Gaerdydd wedi pledio’n euog i droseddau brawychol ar ôl rhoi fideos ar YouTube yn dangos pregethwr eithafol Islamaidd.

Roedd Sajid Idris wedi cyfaddef pedwar cyhuddiad o ledaenu deunydd brawychol, rhwng Tachwedd 1 2013 a Rhagfyr 4 2014, yn groes i’r Ddeddf Frawychiaeth 2006.

Roedd disgwyl i’r achos yn erbyn Sajid Idris, 36 oed o Sblot, ddechrau yn Llys y Goron Kingston ddydd Llun (Ionawr 14) ond roedd wedi pledio’n euog i’r cyhuddiadau.

Cafodd Sajid Idris ei arestio yn 2017 yn dilyn ymchwiliad ar y cyd rhwng Uned Gwrth Frawychiaeth Cymru a’r uned yn y gogledd ddwyrain.

Cafodd cyhuddiad yn erbyn ei wraig Sadia Malik, 38, o ddosbarthu cyhoeddiad brawychol, ei ollwng ddydd Llun.

Dywedodd y barnwr Paul Dodgson bod Sajid Idris wedi “annog pobl i gymryd rhan mewn gweithredoedd brawychol gan beryglu bywyd” drwy ledaenu’r deunydd.

Cafodd ei ddedfrydu i 21 mis o garchar, wedi’i ohirio am ddwy flynedd.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019