Steffan Lewis – y byd gwleidyddol yn rhoi’u teyrngedau

Diweddarwyd  
Steffan Lewis yn areithio

Steffan Lewis

Llun: Plaid Cymru

Mae prif ffigyrau gwleidyddol Cymru wedi rhoi eu teyrngedau i’r diweddar Aelod Cynulliad, Steffan Lewis, a fu farw’n 34 oed.

Ef oedd un o Aelodau Cynulliad ieuengaf y Cynulliad ac fe gafodd ddiagnosis o ganser yn Rhagfyr 2017, flwyddyn yn unig wedi iddo ddechrau cynrychioli Dwyrain De Cymru.

Mae ei deulu wedi ei alw’n “graig” ac yn “arwr” ac wedi cadarnhau y bu iddo farw yn dawel yn Ysbyty Ystrad fawr yn Ystrad Mynach.

Ef oedd llefarydd Materion Allanol Plaid Cymru, gyda chyfrifoldeb tros Brexit, materion allanol a rhyngwladol, a’r Cwnsler Cyffredinol.

“Gweddus a galluog”

“Hoffwn fynegi fy nhristwch dwfn a phersonol ar golli Steffan Lewis AC, un o wleidyddion mwyaf gweddus a galluog ei genhedlaeth,” meddai’r Prif Weinidog, Mark Drakeford.

“Mae fy meddyliau gyda’i wraig Shona a mab ifanc Celyn ar yr adeg hynod anodd hon.”

“Gwleidydd athronyddol”

“Steffan Lewis oedd gwleidydd athronyddol gorau ei genhedlaeth,” meddai Aelod Seneddol Dwyrain Caerfyrddin a Dinefwr, Jonathan Edwards.

“Colled enfawr i’w deulu, y Blaid a Chymru. Adeiladwn genedl newydd i’w anrhydeddu. Cwsg mewn hedd fy nghymrawd annwyl.”

Steffan Lewis oedd gwleidydd athronyddol gorau ei genhedlaeth. Colled enfawr iw deulu, y Blaid a Chymru. Adeiladwn…

Posted by Jonathan Edwards on Friday, January 11, 2019

“Colled greulon”

“Am golled greulon, i’w deulu, ei blaid a’i wlad,” meddai’r Llywydd, Elin Jones. “Mi wnaeth Steffan Lewis argraff yn syth yn y Senedd.

“Roedd ganddo galon lân, gwên gynnes a gallu cynhenid. Pan siaradodd Steffan, gwrandawodd bawb. Ni’n dal i wrando Steffan. Meddwl heno am ei deulu annwyl.”

Such a sad loss of one of our youngest and our best. Steffan Lewis made an immediate impact in the Senedd – with a…

Posted by Elin Jones on Friday, January 11, 2019

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl