Gwobr Brydeinig i ysgol Gymraeg am ddyfeisio diod iach

Diweddarwyd am  
Ysgol Bro Idris, Dolgellau

Ysgol Bro Idris, Dolgellau

Llun NFU

Mae disgyblion Ysgol Gynradd Bro Idris, Dolgellau, wedi ennill un o wobrau ‘Ffermfeisio’ Undeb Ffermwyr Cenedlaethol am greu byrbryd iachus.

Daeth disgyblion o Ddosbarth y Gleision ym mlynyddoedd 1 a 2 yr ysgol i frig categori ‘Byrbryd Prydeinig go-iawn’ y gystadleuaeth am eu gwaith dylunio a chreu diod smwddi iachus o fananas, mafon a llaeth.

Roedd y disgyblion hefyd wedi edrych ar fuddion iachus llaeth, yn enwedig ar sut y gallai gael ei ddefnyddio yn eu smwddi i gyfrannu at greu dannedd ac esgyrn cryfion.

Bydd eu gwaith ymchwil a dylunio nawr yn cael ei arddangos yn Nhŷ’r Cyffredin yn ystod Wythnos Wyddoniaeth Prydain, ble bydd panel o feirniaid yn penderfynu pwy yw pencampwyr y gystadleuaeth gyfan.

 Y gystadleuaeth

Daeth naw ysgol i’r brig mewn gwahanol gategorïau yn y gystadleuaeth, a lansiwyd ym mis Medi.

Yr her i blant ysgol gynradd ar draws Ynysoedd Prydain oedd datrys un o dair problem o fyd ffermio gan ddefnyddio Gwyddoniaeth, Technoleg, a Mathemateg.

Roedd y rhain yn cynnwys dylunio tractor y dyfodol, dylunio amgylchfyd ar gyfer cwt o 100 o ieir, a dylunio byrbryd newydd gyda phedwar cynhwysyn Prydeinig – sef categori dewisol disgyblion Ysgol Bro Idris.

Hwn oedd cystadleuaeth gyntaf Undeb Cenedlaethol Ffermwyr ar gyfer ysgolion cynradd a gwelwyd “brwdfrydedd eithriadol gan yr athrawon a’r disgyblion,” yn ôl Llywydd yr Undeb yng Nghymru, John Davies.

“Gyda dros fil o ysgolion yn anfon eu dyluniadau, mae’r gystadleuaeth yn dangos yn eglur bod gan fwyd a ffermio le i’w chwarae ym myd addysg.”

“Wrth eu boddau”

 Dywedodd Mrs Teleri Mai Jones, athrawes Dosbarth y Gleision, Ysgol Bro Idris. “Dyma beth oedd sypreis, a dechrau arbennig iawn i’r flwyddyn newydd yn ein dosbarth ni, bore ‘ma, pan gawsom yr e-bost i ddweud ein bod wedi ennill cystadleuaeth Ffermfeisio NFU trwy Brydain!”

Un rhan o’r wobr yw bod cogydd proffesiynol yn dod i’r ysgol.

“Roedd y plant wrth eu boddau yn clywed y newyddion ac yn hapus iawn gyda’r gwobrau!” ychwanegodd Mrs Teleri Mai Jones.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl