Carw heb ben yn arswydo’r RSPCA

Diweddarwyd am  
Pen carw

Pen carw

Llun RSPCA

Mae’r RSPCA yn disgrifio’r hyn y daethon nhw ar ei draws mewn tref yn Sir Fynwy “fel ffilm arswyd”.

Fe gafodd swyddogion yr elusen eu galw i ardal tref Cas-gwent ar Ddiwrnod Cynta’r Flwyddyn, lle’r oedd casgliad o gyrff anifeiliaid gwyllt wedi eu gadael.

Ymysg y meirw yn Hayesgate yn St Pierre roedd hwyaid, gwyddau, aderyn ysglyfaethus a charw mewn dau ddarn – gyda’i ben wedi ei dorri i ffwrdd.

Mae’r RSPCA wedi lansio apêl ac yn annog unrhyw un sydd â gwybodaeth am y “llofruddiaethau tybiedig” hyn i gysylltu â nhw ar unwaith.

Fe ddaethpwyd o hyd i’r anifeiliaid “ychydig funudau o’r A48”, ac mae’r RSPCA yn credu ei bod yn “debygol iawn bod y cyrff wedi eu dympio o gerbyd ar ôl cael eu potsio neu eu lladd am sbort”.

Arswydus

“Roedd y safle yn Hayesgate fel ffilm arswyd, gyda chyrff – a rhannau o gyrff – anifeiliaid gwyllt wedi eu gwasgaru ar hyd y llawr,” meddai Sian Burton, Swyddog Lles Anifeiliaid yr RSPCA.

“Mae yn edrych yn debygol iawn bod rhywun wedi bod ar sbri gwaedlyd, ac wedi lladd yr anifeiliaid er mwyn yr hyn sy’n cael ei alw yn sbort neu adloniant…

“Rydym yn apelio yn daer ar y gymuned leol am wybodaeth. Dyma leoliad gwledig, ac rydan ni yn gobeithio bod rhywun wedi gweld rhywbeth, neu yn gallu taflu rhyw oleuni ar yr hyn ddigwyddodd i’r anifeiliaid druan hyn.

“Anogwn unrhyw un sydd â gwybodaeth i ffonio ein llinell gyswllt ar 0300 123 8081.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019