Cau Ysgol Bodffordd: galw ar Kirsty Williams i ymyrryd

Diweddarwyd am  
Disgybl yn ysgrifennu mewn llyfr nodiadau

Mae Cymdeithas yr Iaith wedi galw ar y Gweinidog Addysg Kirsty Williams i ymyrryd i achub Ysgol Bodffordd ar Ynys Môn yn dilyn penderfyniad Pwyllgor Gwaith Cyngor Ynys Môn heddiw (Dydd Llun, Rhagfyr 17) i symud ymlaen i gau’r ysgol.

Maen nhw’n dweud fod angen i Kirsty Williams ymyrryd er mwyn “achub hygrededd” ei chod newydd a gyhoeddwyd gyda’r bwriad o roi gobaith newydd i ysgolion gwledig.

 “Os gellir cau ysgol wledig Gymraeg llawn yn groes i ddymuniadau’r gymuned leol a pheryglu dyfodol yr unig ganolfan gymunedol yn y broses, a hynny heb ddilyn gofynion yr hen gôd trefniadaeth ysgolion, heb sôn am y newydd, yna does fawr ddim gobaith i unrhyw ysgolion gwledig yng Nghymru,” meddai Ffred Ffransis o Gymdeithas yr Iaith.

“Rhaid ymyrryd”

Mae’r Gymdeithas yn pwyntio bys at Gyngor Môn am beidio â chadw at ofynion hen god trefniadaeth ysgolion.

Maen nhw hefyd yn honni eu bod wedi anwybyddu ystyried yr effaith ar y gymuned leol a chynlluniau eraill i arbed arian i ysgolion.

“Os nad yw Awdurdodau Lleol wedi cadw at ofynion yr hen gôd, beth yw’r pwynt i Kirsty Williams gyflwyno côd newydd sydd â rhagdyb o blaid ysgolion gwledig? Beth sydd i’w hatal rhag anwybyddu’r côd newydd hefyd? Rhaid i’r Gweinidog Addysg ymyrryd yn awr er mwyn achub hygrededd ei strategaeth ar gyfer ysgolion gwledig,” ychwanegodd Ffred Ffransis.

“Penderfyniadau anodd”

Dywedodd llefarydd ar ran Cyngor Sir Ynys Môn, “Wrth wneud penderfyniad ynghylch Ysgol Bodffordd ac Ysgol Corn Hir, cydymffurfiwyd â’r Cod Trefniadaeth Ysgolion. Byddwn yn parhau i gydymffurfio gyda’r cod diwygiedig i’r dyfodol.

“Gyda thoriadau sylweddol yng nghyllideb awdurdodau lleol, fodd bynnag, nid oes modd bellach i eithrio addysg rhag toriadau.”

“Er yn benderfyniadau anodd tu hwnt, rydym hefyd yn ffyddiog bod ein penderfyniadau diweddar wedi eu seilio ar dystiolaeth gadarn ac wedi eu gwneud er budd cyfundrefn addysg yr Ynys gyfan.”

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer