Prifysgol Bangor yn astudio effaith plastig y môr ar iechyd

Diweddarwyd am  

Plastig yn y môr

Llun: CC0

Mae arbenigwyr o Brifysgol Bangor yn gweithio ar brosiect gwerth £1.85m sy’n ymchwilio i’r ffordd y mae plastig yn y môr yn cludo bacteria a firysau.

Maen nhw hefyd yn ceisio deall pa effaith mae hyn yn ei gael ar iechyd pobol, wrth i blastig weithredu fel cerbyd sy’n lledaenu pathogenau ar hyd yr arfordir ac o wlad i wlad.

Mae’r prosiect yn gydweithrediad rhwng prifysgolion Bangor, Stirling a Warwick, ac yn cael ei arwain gan y biolegydd amgylcheddol, Dr Richard Quilliam.

Bydd rhan o’r gwaith yn cael ei wneud ym Mangor, gan ddefnyddio’r Ganolfan Biotechnoleg Amgylcheddol, a gafodd ei hagor yn ddiweddar.

“Maes ymchwil newydd”

“Bydd ein hastudiaeth yn ystyried sut mae pathogenau’n rhwymo wrth blastig yn y mor a sut mae’r broses hon yn helpu bacteria a firysau ymledu ar draws y byd – i lefydd na fyddent byth wedi eu cyrraedd drostyn nhw eu hunain pe baen nhw’n nofio’n rhydd yn y dŵr,” meddai Dr Richard Quilliam.

“Gallai fod effeithiau posib i bobol drwy’r gadwyn fwyd – er enghraifft, mae swplancton y cefnfor yn bwyta plastig, ac mae’r pysgod yn eu bwyta hwythau ac yn y pen draw, mae pobol yn eu bwyta – neu mae pobol yn llyncu’r dŵr, yn nofio yn y môr neu’n gorwedd ar y tywyod wrth ymyl plastig y môr.”

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl