Cyhoeddi cynlluniau i droi Hen Goleg Aberystwyth yn llety 4*

Diweddarwyd am  
Cynlluniau newydd ar gyfer adnewyddu'r Hen Goleg

Cynlluniau newydd ar gyfer adnewyddu’r Hen Goleg

Llun trwy law Prifysgol Aberystwyth

Mae Prifysgol Aberystwyth yn bwriadu gwario tua £26.2m ar adnewyddu adeilad yr Hen Goleg.

Mae llety pedair seren, unedau busnes a chyfleusterau ar gyfer priodasau ymhlith y cynlluniau ar gyfer yr adeilad hanesyddol.

Yn ôl y Coleg ger y Lli, bydd y prosiect yn dod â “bywyd newydd” i’r Hen Goleg, gan ”ddarparu cyfleusterau diwylliannol, dysgu a menter newydd at ddefnydd y Brifysgol, y gymuned leol a’r rhanbarth yn ehangach”.

Y nod yw ailagor yr adeilad ar ei newydd wedd yn ystod blwyddyn academaidd 2022-23, pan fydd y brifysgol yn dathlu 150 mlynedd ers ei sefydlu.

“Sbarduno adfywiad economaidd”

Mae disgwyl i’r prosiect greu 40 o swyddi newydd, a denu 200,000 o ymwelwyr y flwyddyn, meddai Prifysgol Aberystwyth ymhellach.

Mae cynlluniau yr Hen Goleg yn cynnwys:

  • Amgueddfa sy’n adrodd hanes y Brifysgol;
  • Gofod ar gyfer celf ac arddangosfeydd;
  • Canolfan wyddoniaeth a darganfod;
  • Cyfleusterau cynadledda a thrafod;
  • Gofod astudio 24 awr ar gyfer myfyrwyr.

Mae yna fwriad hefyd i ddefnyddio ystafell yr Hen Lyfrgell ar gyfer digwyddiadau fel priodasau, tra bydd lloriau uchaf yr adeilad wedyn yn cynnig llety pedair seren sydd â 33 ystafell.

Mae elfennau eraill o’r ailddatblygiad yn cynnwys 12 uned busnes, stiwdio ar gyfer artistiaid, cyfleusterau cymunedol, caffi-bistro a bar.

Bywyd newydd

“Mae’r Hen Goleg yn un o adeiladau mwyaf adnabyddus Cymru ac yn fan geni Prifysgol Cymru, ond mae angen inni ail-gyflunio ei bwrpas ar gyfer cenhedlaeth newydd,” meddai’r Athro Elizabeth Treasure, Is-Ganghellor Prifysgol Aberystwyth.

“Bydd ein cynlluniau ailddatblygu a chodi arian yn arwain at greu cyfleusterau a chyfleoedd newydd i’r Brifysgol ac i fyfyrwyr yn ogystal â bo yn brosiect adfywio o bwys i’r gymuned leol, a fydd yn denu ymwelwyr o bell ac agos.

“Trwy roi bywyd newydd i’r Hen Goleg, byddwn hefyd yn diogelu rhan greiddiol o’n treftadaeth ac yn sicrhau dyfodol mwy cynaliadwy i’r adeilad rhestredig Gradd I hwn.”  

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019