Achub sinema Blaenau Ffestiniog

Diweddarwyd am  

Llun: CC0

Mae canolfan gelfyddydol ym Mlaenau Ffestiniog wedi codi digon o arian er mwyn achub eu sinema.

Bu dyfodol Cellb yn y fantol ers i dywydd garw achosi difrod yno’r llynedd, ac wedi i gais am daliad yswiriant gael ei wrthod.

Ond bellach mae grŵp a gafodd ei sefydlu er mwyn achub y sinema – y Gwallgofiaid – wedi llwyddo i godi £10,000 i’w achub trwy ymgyrchu ar-lein.

“Rydan ni wedi cyrraedd y targed!” meddai neges ar gyfrif Facebook Cellb. “Gwych! Diolch am eich cefnogaeth dros y pedair wythnos diwethaf.

“Gobeithiwn bydd y sinema ym Mlaenau Ffestiniog efo ni am ddegawd i ddod. Mae Sinema Blaenau gan y Gwallgofiaid yn Cellb yn ddiogel! Diolch i bawb!”

Cefndir

Hen orsaf heddlu yw Cellb – fe gafodd ei agor ar ei newydd wedd yn 2016.

Daeth trafferthion i’r sinema’r llynedd, pan dorrodd pibell ddŵr y tu cefn i’r sgrin, gan achosi difrod a chostau ychwanegol.

Er i gwmni yswiriant ddweud y byddan nhw’n talu allan, yn dilyn asesiad llawn o’r difrod mi wnaethon nhw dro pedol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed