‘The Crown’ yn gyfrifol am osod iwnion jacs yn nhre’r Cofis

Diweddarwyd  

Jac yr Undeb yn Stryd Fawr

Llun: golwg360

Mae rhai o strydoedd tref Caernarfon wedi’u haddurno gyda bynting coch, gwyn a glas, ynghyd â baneri Jac yr Undeb (ac ambell i Ddraig Goch) tra bod golygfeydd ar gyfer un o ddramâu mwya’ poblogaidd Netflix yn cael eu ffilmio yno.

Mae Stryd y Plas a’r Stryd Fawr, nepell o Gastell Caernarfon, wedi’u trawsnewid wrth i dîm cynhyrchu The Crown – cyfres ddrama wedi’i seilio ar hanes bywyd y Frenhines Elizabeth II – ffilmio golygfeydd o 1969 yn nhre’r Cofis.

Yng Nghastell Caernarfon ar Orffennaf 1 y flwyddyn honno y cafodd Tywysog Charles ei arwisgo yn Dywysog Cymru – gyda phobol y dref wedi’u rhannu i lawr y canol, yn Frenhinwyr ac yn weriniaethwyr.

Mae perchnogion siopau lleol wedi cael cynnig cadw’r baneri wedi i’r ffilmio ddod i ben.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed