Addo asesu effaith polisïau amaeth newydd ar yr iaith

Diweddarwyd am  

Machlud ar fferm

Llun: CC0

Mae Llywodraeth Cymru wedi cadarnhau y byddan nhw’n asesu’r effaith y bydd eu polisïau gwledig newydd yn ei gael ar y Gymraeg o “fewn y misoedd nesaf”.

Daw’r cyhoeddiad yn dilyn pryderon gan Gymdeithas yr Iaith y gall newidiadau i system daliadau’r diwydiant amaeth arwain at farwolaeth yr iaith Gymraeg yng nghefn ngwlad.

Yn ôl cyfrifiad 2011 mae 40% o weithwyr o fewn y diwydiant yn siarad Cymraeg, sef y canran uchaf mewn unrhyw ddiwydiant arall yng Nghymru.

“Fe fyddwn i’n sicr yn cynnal asesiad effaith mewn cyswllt a’r iaith Gymraeg o fewn y misoedd nesaf cyn cyflwyno’r Papur Gwyn,” meddai’r Ysgrifennydd tros Faterion Amaeth, Lesley Griffiths, yn Siambr y Cynulliad ddoe (dydd Mercher, Tachwedd 7).

“Mae’r iaith Gymraeg fwy na thebyg yn cael ei defnyddio mwy yn y sector amaethyddol nag yn unrhyw sector arall yng Nghymru, a dw i’n meddwl mai un o’r ffyrdd gorau i adfer yr iaith yw trwy gadw ffermwyr ar ein tiroedd.”

Newidiadau

Bwriad Llywodraeth Cymru yw dod â system y Taliad Sylfaenol, sy’n talu ffermwyr yn uniongyrchol yn dibynnu faint o dir sydd ganddyn nhw, i ben.

Yn ei lle, maen nhw’n gobeithio cyflwyno dau gynllun newydd erbyn y flwyddyn 2025, gyda’r naill yn system o grantiau busnes a’r llall yn gronfa fydd yn gwobrwyo ffermwyr am wella’r amgylchedd.

Cafodd yr ymgynghoriad ‘Brexit a’n Tir’ ei gynnal yn ystod yr haf, gan roi cyfle i ffermwyr ymateb i’r cynlluniau arfaethedig.

Cefn Gwlad

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed