Ysgol 3-18 eisiau rhoi addysg cyfnod sylfaen yn Gymraeg yn unig

Diweddarwyd  

Llun: CC0 trwy www.pixabay.com

Mae Cyngor Sir Ceredigion yn cynnal ymgynghoriad ynglŷn â gwneud addysg y Cyfnod Sylfaenol yn Ysgol Bro Pedr yn un gyfan gwbwl Gymraeg.

O dan y drefn bresennol, mae disgyblion Cymraeg a Saesneg sy’n cael eu trosglwyddo o’r Dosbarth Derbyn i flwyddyn 1 yn cael eu haddysgu mewn dosbarthiadau ar wahân.

Ond byddai gweithredu penderfyniad corff llywodraethol yr ysgol, a bleidleisiodd o blaid cynnal ymgynghoriad fis Mawrth eleni, yn golygu mai dim ond addysg Gymraeg fydd yn cael ei darparu hyd at ddiwedd y Cyfnod Sylfaen.

Bydd dosbarthiadau Cymraeg a Saesneg wedyn yn parhau yng nghyfnod allweddol 2.

Yn ôl Cyngor Sir Ceredigion, os bydd cynigion yr ymgynghoriad yn cael eu cymeradwyo, y bwriad yw eu gweithredu o fis Medi 2019 ymlaen.

“Mae’n bwysig clywed barn”

“Mae’n bwysig clywed barn rhieni a phobol berthnasol eraill ar ddatblygu cyfrwng y Gymraeg yn Ysgol Bro Pedr,” meddai’r Cynghorydd Catrin Miles, aelod o’r cabinet sy’n gyfrifol am Wasanaethau Dysgu a Dysgu Gydol Oes.

“Os aiff y penderfyniad ymlaen, mi fyddwn yn gweld mwy o blant saith oed yn cael eu haddysgu drwy gyfrwng y Gymraeg.”

Bydd yr ymgynghoriad yn dod i ben ar Ragfyr 18, 2018.

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed