Ceisio annog pobol i ddefnyddio siopau Cymru

Diweddarwyd am  

Llun: CC0

Mae ymgyrch newydd wedi’i lansio gan Lywodraeth Cymru sy’n ceisio annog pobol i wario eu harian gyda busnesau yng Nghymru.

Y sector manwerthu yw’r cyflogwr preifat mwyaf yng Nghymru, medden nhw, gyda bron 12,000 o siopau’n darparu 130,000 o swyddi.

Bwriad ymgyrch newydd Llywodraeth Cymru, ar y cyd â’r Consortiwm Manwerthu Cymru, yw hyrwyddo’r diwydiant fel un “deinamig” sydd hefyd yn “ddewis gyrfaol da” wrth iddo gynnig llawer o gyfleoedd am ddyrchafiad.

Bydd elfen arall o’r ymgyrch wedyn yn ystyried yr hyn mae’r diwydiant yn eu rhoi i’r gymuned o ran ffactorau economaidd a chymdeithasol.

‘Defnyddiwch nhw’

“Rwy’n falch iawn o gael bod yn rhan o’r ymgyrch hon sy’n dathlu ac yn hyrwyddo gwaith da ein sector manwerthu,” meddai Ysgrifennydd yr Economi, Ken Skates.

“Mae siopau o bob lliw a llun yn chwarae rhan bwysig yn ein bywydau pob dydd, ond gyda’r ffordd y mae pobol yn siopa yn newid a chystadleuaeth yn cynyddu, does dim dwywaith ei bod hi’n gyfnod anodd ar y sector.

“Y gwir plaen yw, os na wnawn ni ddathlu’r sector a gwneud defnydd da ohono, mae perygl mawr y collwn rannau pwysig ohono.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed