Pryder am gynllun pentref gwyliau ar gyrion Bangor

Diweddarwyd  
Arfbais y sir ar adeilad y cyngor

Pencadlys Cyngor Gwynedd, Caernarfon

Llun;Parth cyhoeddus

Mae ymgyrchwyr iaith yng Ngwynedd yn flin nad yw datblygwyr pentref gwyliau ar gyrion Bangor yn gorfod trefnu asesiad o effaith cynllun o’r fath ar y Gymraeg.

Wrth alw ar gynghorwyr Gwynedd i wrthod cais i ddatblygu 40 uned yng Nghoed Wern Tŷ Gwyn, Glasinfryn, dywed Pwyllgor Tai a Chynllunio Gwynedd a Môn fod y sefyllfa’n gwbl annerbyniol.

“Yn ystod y ddadl yn y cyngor sir cyn mabwysiadu’r Cynllun Datblygu Lleol, cafwyd addewidion y byddai amodau cadarnach yn cael eu llunio er mwyn gwarchod y Gymraeg yn gymunedol,” meddai Ieuan Wyn ar ran yr ymgyrchwyr.

“Mae’n achos gresyndod a siom fod y sefyllfa’n parhau fel ag yr oedd.”

Yn ôl yr ymgyrchwyr, mae’r Datganiad Cynllunio ar ran y datblygwr yn yr achos yma yn cydnabod y byddai’r datblygiad yn cael “effaith negyddol fechan” ar sefyllfa’r Gymraeg yn y gymuned.

Yn ôl Ieuan Wyn, mae cyfaddefiad o’r fath yn ddigon o reswm ynddo’i hun dros wrthod y cais cynllunio.

“Mae polisїau’r cyngor sir yn datgan yn glir fod gwarchod y Gymraeg a diogelu cymeriad cymunedau yn egwyddor sylfaenol sy’n cael ei hystyried yn un o hanfodion y Cynllun Datblygu Lleol,” meddai.

“Byddai cefnogi’r cais cynllunio yn gwneud yr ymrwymiad a’r polisїau i warchod y Gymraeg ym maes cynllunio yn gyff gwawd a thrwy hynny yn tanseilio hygrededd y cyngor sir.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed