Lansio cronfa er cof am yr actores Iola Gregory

Diweddarwyd  

Iola Gregory fel y cymeriad ‘Nain’ yn Rownd a Rownd

Llun cyhoeddusrwydd S4C

Mae cronfa wedi ei lansio er cof am yr actores Iola Gregory, gan obeithio cefnogi pobol sydd am lwyfannu drama neu greu ffilm fer ddramatig.

Merched Iola Gregory, y cynhyrchydd Angharad Elen a’r actores Rhian Blythe, sydd wrth graidd sefydlu’r gronfa, ynghyd a phwyllgor bychan o unigolion yn cynnwys Siôn Humphreys, Cefin Roberts, Carys Aaron, Sioned Huws a Llŷr Titus.

Fe fydd cefnogaeth ariannol, adnoddau a mentora ar gael trwy’r gronfa bob dwy flynedd, a’r disgwyl ydi y bydd llwyfaniad theatrig neu ddangosiad cyhoeddus o’r gwaith yn digwydd.

Fe weithiodd Iola Gregory ei hun ym myd theatr, ffilm, teledu a radio dros y blynyddoedd, ac roedd hi’n adnabyddus am ei pherfformiadau yn Joni JonesStormydd Awst, Pobol y Cwm a Rownd a Rownd. At hynny, hi oedd un o sylfaenwyr cwmni theatr Bara Caws yn 1977.

“Annog pobol i arbrofi”       

“Bydd y gronfa’n agored i unrhyw un sydd a thân yn eu boliau a chanddyn nhw rywbeth i’w ddweud,” meddai Angharad Elen.

“Mae’r gronfa yn ffordd deilwng o gofio am Mam a oedd yn credu mor danbaid yng ngallu drama i ddweud rhywbeth am y cyflwr dynol ac i ddal drych i fyw ein llygaid ni fel cenedl.”

Bydd ‘Gwaddol Iola’ yn cael ei lansio’n swyddogol mewn digwyddiad yn Galeri, Caernarfon ar ddechrau mis Rhagfyr – flwyddyn union ers dyddiad angladd yr actores yn 2017.

 

 

 

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed