“Mae cerdyn post, ar ei ora’, fel darn o lên meicro” i fardd wedi’r hanner cant

Diweddarwyd  

Gerwyn Wiliams

Mae bardd ac academydd yn dweud bod croesi’r hanner cant wedi rhoi “elfen adolygol” i’w gyfrol ddiweddaraf o farddoniaeth.

Yn ôl Gerwyn Wiliams, mae’r teitl Cardiau Post yn cyfeirio at y casgliad a gadwai ei hen fodryb yn Llandrillo ger Corwen, aelwyd yr arferai ymweld â hi pan oedd yn blentyn.

Fel yr oedd y cardiau hynny’n magu chwilfrydedd ynddo ar y pryd wrth iddyn nhw gynnwys enwau “egsotig” fel ‘Shrewsbury’, ‘Torquay’ a’r ‘Cotswolds’, dywed fod gwahanol lefydd yn bwysig yn ei gerddi diweddaraf hefyd.

“Mae cerdyn post ar ei ora fel darn o lên meicro,” meddai Gerwyn Wiliams wrth golwg360. “Nid ‘wish you were here’ sydd ynddo fo – mae modd dweud rhywbeth amgenach na hynny a’i grynhoi o.

“Efallai mai dyna beth mae rhywun yn ceisio’i wneud wrth sgrifennu, sef crynhoi rhywbeth a’i anfon at ddarllenwyr.”

“Elfen adolygol”

Er bod Gerwyn Wiliams yn mynnu nad cerddi “atgofus” sydd yn ei gyfrol newydd, mae’n cyfaddef bod yna dipyn o “ailymweld” ynddi.

Ond mae’r gyfrol yn “fyw iawn” yn y presennol hefyd, meddai wedyn, yn enwedig wrth i’r bardd ymateb i Brexit a’r ffaith bod ei blant, sef tair o ferched, yn “cadw ysbryd dyn yn ifanc”.

“Mae amryw byd o’r cerddi, nid yn fwriadol, yn ailymweld â golygfeydd a phrofiadau yn fy ngorffennol – fel cartref fy nhaid, cartref fy hen nain a chartref fy hen fodryb a’m hen ewythr…” meddai.

“Maen nhw’n mynd yn ôl at brofiadau teulu, yn ailymweld â nhw, ac yn pwyso a mesur y profiadau hynny gyda phrofiadau diweddarach.”

Dyma glip o Gerwyn Wiliams yn adrodd un o gerddi’r gyfrol, sef ‘Llais’, er cof am y diweddar actor, Stewart Jones…

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed