Marw’r adroddwraig o Bontarddulais, Elsie Nicholas, yn 98 oed

Diweddarwyd am  
Elsie Nicholas (chwith) a'i merch, Delyth Mai Nicholas, yn derbyn tystysgrifau gan Garry Owen ar ran Cymdeithas Eisteddfodau Cymru yn Eisteddfod Genedlaethol Y Fenni yn 2016.

Elsie Nicholas (chwith) a’i merch, Delyth Mai Nicholas, yn derbyn tystysgrifau gan Garry Owen ar ran Cymdeithas Eisteddfodau Cymru yn 2016

Llun: Cymdeithas Eisteddfodau Cymru

Bu farw Elsie Nicholas, yr adroddwraig a’r eisteddfodwraig o Bontarddulais, yn 98 oed.

Yn ogystal â bod yn gystadleuydd brwd, bu’n hyfforddi degau o adroddwyr dros y blynyddoedd, gan barhau i gyflawni’r gwaith hwnnw tan yn ddiweddar.

Bu hefyd yn un o hoelion wyth Eisteddfod Gadeiriol yr Hendy, ac yn 2016 cafodd hi a’i merch, Delyth Mai Nicholas, eu hanrhydeddu gan Gymdeithas Eisteddfodau Cymru am eu gwaith gwirfoddoli.

Cyn hynny, fe dderbyniodd Elsie Nicholas Fedal T H Parry-Williams yn yr Eisteddfod Genedlaethol yn 2007 a Gwobr Seren y Steddfodau yn 2004.

O dan ei dylanwad, daeth ei phlant, Garry a Delyth Mai Nicholas, yn llefarwyr amlwg ac yn hyfforddwyr eu hunain yn eu tro.

Bu farw Elsie Nicholas ar Hydref 14 yn Ysbyty Tywysog Philip, Llanelli.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed