Cadeirydd newydd i Gymdeithas yr Iaith

Diweddarwyd  
Osian Rhys, Cadeirydd Cymdeithas yr Iaith

Osian Rhys, Cadeirydd Cymdeithas yr Iaith

Llun Cymdeithas yr Iaith

Mae Cymdeithas yr Iaith Gymraeg wedi ethol Osian Rhys yn Gadeirydd newydd.

Yn wreiddiol o Bentre’r Eglwys ger Pontypridd, aeth i Ysgol Gyfun Llanhari yn Rhondda Cynon Taf,  cyn astudio gradd yn y Gymraeg ym Mhrifysgol Aberystwyth.

Ymaelododd â’r Gymdeithas pan oedd yn 14  oed, ac mae bellach yn 35 ac yn gweithio fel cyfieithydd.

Mae Osian Rhys yn dweud bod ei ethol yn Gadeirydd yn “fraint”. Bydd yn olynu Heledd Gwyndaf a dreuliodd sawl blwyddyn wrth y llyw.

“Lle i bawb”

“Un peth rydw i am ei bwysleisio ydy bod lle i bawb sy’n cefnogi’r Gymraeg i chwarae rhan yn y Gymdeithas,” meddai.

“Mae rhai o’n cefnogwyr yn barod i godi llais mewn protest neu hyd yn oed i dorri’r gyfraith dros eu daliadau.

“Ond mae’r rhan fwyaf o waith y Gymdeithas yn digwydd yn dawel bach – ysgrifennu llythyrau, mynd i gyfarfodydd, pwyso am newid lle bynnag gallwn ni.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed