Côr Meibion ardal prifwyl 2020 mewn argyfwng

Diweddarwyd  
Côr Meibion Caron yn y 1990au

Côr Meibion Caron yn y 1990au

Côr Meibion Caron

Mae Côr Meibion Caron yn chwilio am arweinydd, a hynny ar hast – er mwyn i’r côr allu bod yn rhan o fwrlwm yr Eisteddfod Genedlaethol yn Nhregaron yn 2020.

Mae’r arweinydd cyfredol, Catherine Hughes, yn rhoi’r gorau iddi ar ôl “cyfnod hir a llwyddiannus” o tua ugain mlynedd wrth y llyw.

Petai’r côr meibion yn gallu sicrhau ei barhad drwy ddod o hyd i arweinydd newydd yn ei lle hi, byddai’n dathlu ei ben-blwydd yn hanner cant yn 2019.

“Cyfnod cyffrous”

“Y peth pwysig yw bod y côr wedi cael cyfnod o 50 mlynedd, fwy neu lai, o weithgarwch llwyddiannus iawn yn ardal Tregaron,” meddai Ioan Williams, Lledrod, sy’n aelod ers deng mlynedd.

“R’yn ni’n wynebu cyfnod cyffrous iawn ar drothwy ein pen-blwydd ac ar fin paratoi gogyfer Eisteddfod Genedlaethol Tregaron.

“Mae pawb yn y côr yn frwd iawn i edrych ymlaen. Ond r’yn ni angen un person – dyn neu fenyw – i’n harwain ymlaen i’r dyfodol.”

Does dim ots sut fath o berson fydd yr arweinydd, meddai, ond eu bod nhw’n “frwd, ac yn rhywun sy’n barod i gydweithio gyda ni i wynebu’r dyfodol”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed