Paul Flynn oedd arwr di-lol y bobol adeg sgandal Farepak

Diweddarwyd  

Paul Flynn

Llun: Richard Maudell/ Llafur/PA

Mae un o gynghorwyr Casnewydd yn cofio fel y daeth Aelod Seneddol gorllewin y ddinas yn “arwr” i bobol leol pan aeth cwmni hamperi Nadolig i’r wal.

Wrth i Paul Flynn gyhoeddi heddiw (dydd Iau, Hydref 25) ei fwriad i ymddeol, ar sail iechyd, yn y dyfodol agos, mae pobol y ddinas y bu’n cynrychioli rhan ohoni am 31 o flynyddoedd yn cofio ei ofal am y rhai di-rym.

Mae Debbie Harvey yn gynghorydd ar ward Alway yn y ddinas, ac mae’n cofio sut yr oedd teuluoedd ledled Cymru a thu hwnt ar eu colled pan aeth cwmni Farepak i drafferthion ariannol cyn y Nadolig yn 2006. Trwy’r cwmni hwnnw yr oedd modd iddyn nhw roi arian heibio bob wythnos er mwyn prynu hamperi neu dalebau i’w gwario ar anrhegion Nadolig.

“Fe siaradais i â Paul pan fethodd Farepak,” meddai Debbie Harvey wrth golwg360, “ac roedd e’n arbennig yr adeg hynny. Roedd e’n edrych ar ôl y bobol hŷn, yn enwedig. Roedd yna gymaint o ddryswch pan ddechreuodd pethau fynd o chwith i Farepak.

“Roedd Paul yno ymhlith pawb. Fe aeth ati’n chwim i gynnal cyfarfod, a chafodd hwnnw ei redeg yn dda. A wnaeth e sicrhau fod yna bobol yno i helpu’r bobol hŷn i ddeall beth oedd yn digwydd.”

Colled Casnewydd

Bydd Casnewydd ar ei cholled pan fydd yr Aelod Seneddol yn rhoi’r gorau iddi, meddai wedyn.

“Mae e wedi bod yn ased arbennig i Gasnewydd, ac mae e wedi gweithio’n galed yn ddi-baid. Bydd e’n golled i Gasnewydd pan fydd e’n rhoi’r gorau iddi… ond mae’n ddealladwy ei fod eisie ymddeol, o ystyried cyflwr ei iechyd.

“Mae wedi gwasanaethu Casnewydd yn dda iawn. “Mae wedi bod yn wleidydd cryf, mae’n ddi-flewyn ar dafod weithiau, ond dyna pam bod pobol yn dwlu arno fe! Dim lol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones