Ymgynghoriad ar ariannu’r diwydiant amaeth yn “ffars”

 
Andrew R T Davies

Andrew RT Davies

Llun: Cyynulliad Cenedlaethol Cymru CC 2.0

Mae’r Ceidwadwyr Cymreig wedi galw ymgynghoriad Llywodraeth Cymru ar y diwydiant amaeth yn “ffars”.

Daw hyn yn dilyn sylwadau’r Ysgrifennydd tros Faterion Amaeth, Lesley Griffiths, ym mhapur newydd y Farmers Guardian yr wythnos hon.

Mae ‘Brexit a’n Tir’ yn rhoi cyfle i ffermwyr leisio’u barn ar ddau gynllun newydd i ariannu’r sector amaethyddol ar ôl i wledydd Prydain adael yr Undeb Ewropeaidd.

Mae hyn yn golygu y bydd y cymorthdaliadau presennol, sy’n cael eu talu’n uniongyrchol i ffermwyr yn dibynnu ar faint o dir sydd ganddyn nhw, yn dod i ben.

Er bod undebau’r ffermwyr wedi galw ar Lywodraeth Cymru i gyflwyno system newydd sy’n debyg i’r un bresennol, dywed Lesley Griffiths y bydd yn rhaid cael gwared ar gymorthdaliadau uniongyrchol.

“Rydym wedi dweud yn glir na fyddwn ni’n cadw’r Cynllun Taliad Sylfaenol, oherwydd dydyn ni ddim yn credu mai dyna’r ffordd orau ymlaen, yn enwedig mewn byd wedi Brexit,” meddai’r Ysgrifennydd tros Faterion Amaeth yn y Farmers Guardian.

‘Anwybyddu ffermwyr Cymru’

 Yn ôl Andrew RT Davies, llefarydd y Ceidwadwyr Cymreig ar faterion Amaeth, mae hyn yn brawf nad yw Llywodraeth Cymru am wrando ar leisiau’r ffermwyr, er gwaethaf cynnal ymgynghoriad.

“Dylai ymgynghoriad gael ei ddefnyddio i ystyried ac i wrando ar bryderon, ond mae Lesley Griffiths a Llywodraeth Cymru wedi dweud yn glir y byddan nhw’n bwrw ymlaen er gwaethaf barn  ffermwyr a’r adborth y maen nhw’n ei dderbyn,” meddai.

“Dyw hynny ddim yn ymgynghoriad, mae’n ffars ac mae’n dangos y dirmyg sydd gan y Blaid Lafur tuag at amaethyddiaeth a ffermwyr ledled Cymru.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones