Galw am ddileu tâl mynediad i brifwyl Llanrwst

Diweddarwyd  

Mae Aelod Cynulliad y Ceidwadwyr Cymreig yn galw ar Lywodraeth Cymru i roi mwy o gymorth i’r Eisteddfod Genedlaethol wrth iddi baratoi i ymweld â Llanrwst y flwyddyn nesaf.

Yn ôl Janet Finch-Saunders, Aelod Cynulliad Aberconwy, mae cefnogaeth gan Lywodraeth Cymru i’r brifwyl wedi bod “braidd yn wan” yn ystod y blynyddoedd diwethaf, gyda’r swm wedi gostwng i £697,000 ar gyfer y digwyddiad ym Mae Caerdydd eleni.

Mae’n dweud ymhellach mai ei dymuniad yw gweld tâl mynediad i’r maes yn cael ei ddileu eleni eto, er mwyn denu mwy o bobol i’r digwyddiad a’r ardal.

Mae hefyd am weld gorsaf drenau dros dro yn cael ei hadeiladu ger y maes yn Nyffryn Conwy.

‘Dileu rhwystr ariannol’

“Mae difrifoldeb y sefyllfa yn amlwg o ystyried bod yr Eisteddfod yn rhan allweddol o’r strategaeth i gyrraedd miliwn o siaradwyr Cymraeg erbyn 2050,” meddai Janet Finch-Saunders.

“Felly, er mwyn helpu’r Eisteddfod i hyrwyddo’r Gymraeg a chael effaith gadarnhaol ar gynulleidfa leol a byd-eang, rwy’n awyddus i weld rhwystr ariannol sylweddol yn cael ei ddileu, sef cost tocynnau.

“Roedd mynediad am ddim yn llwyddiant mawr ym Mae Caerdydd, felly pam na all Llywodraeth Cymru gefnogi’r un polisi yn Llanrwst?”

Mae golwg360 wedi gofyn i Lywodraeth Cymru am ymateb.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed