Codi bron £10,000 i Ganolfan Ganŵio Llandysul

Diweddarwyd am  
Canolfan Canŵio Rhwyfwyr Llandysul adeg Storm Callum

Canolfan Canŵio Rhwyfwyr Llandysul adeg Storm Callum

Llun oddi ar gyfrif Facebook Paul Taylor

Mae bron i £10,000 wedi cael ei godi ar gyfer un busnes yn Nyffryn Teifi a gafodd ei effeithio gan y llifogydd mawr dros y penwythnos.

Mae Canolfan Ganŵio Rhwyfwyr Llandysul ar lannau afon Teifi ym Mhont Tyweli ger Llandysul.

Mae ymhlith nifer o fusnesau a thai yn yr ardal sydd wedi cael eu heffeithio gan Storm Callum dros y penwythnos, wedi i afon Teifi orlifo ei glannau.

Difrod

Yn ôl rheolwyr y ganolfan ganŵio, cafodd degau o ganŵs ac offer eu golchi i ffwrdd gyda llif yr afon, ynghyd â phum trelar ac un sied bren gyfan.

Mae adeiladau’r Ganolfan, a welodd chwe throedfedd o ddŵr ar un adeg, hefyd wedi derbyn tipyn o ddifrod, medden nhw.

Bu degau o wirfoddolwyr yn clirio’r llanast ar ôl i lefel y dŵr ostwng ddoe, ac mae dros £8,500 wedi cael ei godi hyd yn hyn er mwyn helpu’r busnes i brynu offer newydd.

Hi everyone just a quick update on our mad 48 hours we would just like to let everyone know we are all safe and still…

Posted by Llandysul Paddlers Canoe Centre and Club on Sunday, October 14, 2018

“Diwrnod anodd”

Yn ôl Paul Taylor, un o weithwyr y Ganolfan, mae’r negeseuon y mae wedi’u derbyn gan bobol ers y penwythnos wedi “adnewyddu ei ffydd yn y byd”.

“Roedd ddoe yn ddiwrnod anodd,” meddai ar y wefan gymdeithasol, Facebook.

“Fe welais y ganolfan yr ydw i’n ei garu, yn byw ynddi ac yn anadlu yn cael golchiad go iawn.

“Roedd gweld cryfder y llif yn gafael mewn nifer o bethau da, a’u torri i ffwrdd, yn anodd.

“Fe wnes i braidd gysgu wrth aros am doriad y wawr er mwyn asesu’r difrod…

“Yn anffodus, mae diwrnod o waith gan y nifer o ffrindiau sydd gan ganolfan Padlo Llandysul ond wedi crafu’r wyneb o ran beth sy’n mynd i ddod.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed