Galw am gymorth ariannol i gymunedau sydd wedi’u heffeithio gan lifogydd

Diweddarwyd am  
Afon Marlais yn Llansawel, Sir Gaerfyrddin

Llifogydd yn Afon Marlais yn Llansawel, Sir Gaerfyrddin

Llun: Geraint Llewelyn

Mae’r Ceidwadwyr Cymreig wedi galw ar Lywodraeth Cymru i sicrhau bod cymunedau sydd wedi’u heffeithio gan lifogydd yn derbyn cymorth ariannol.

Daw hyn yn dilyn Storm Callum y penwythnos hwn, gyda rhai ardaloedd yn y de-orllewin yn gweld y llifogydd gwaethaf ers 30 mlynedd.

Mae naw rhybudd am lifogydd yn parhau mewn grym yn yr ardaloedd hyn, ac mae Cyfoeth Naturiol Cymru wedi cyhoeddi eu bod nhw am gynnal adolygiad i’r holl amddiffynfeydd llifogydd sydd yno.

Ond yn ôl Andrew RT Davies wedyn, sef llefarydd y Ceidwadwyr Cymreig ar faterion amgylcheddol, mae angen i Lywodraeth Cymru sicrhau cymorth ariannol i fusnesau a thrigolion sydd wedi’u taro gan y tywydd garw.

‘Angen arian, nid cydymdeimlad’

“Mae angen dysgu gwersi o’r trychineb sydd wedi cael ei hachosi o’r llifogydd garw hyn, ac mae’r rheiny sydd wedi’u heffeithio eisiau gweld Llywodraeth Cymru yn gweithredu – ac nid cydymdeimlo yn unig,” meddai.

“Tra bo adolygiad [gan Gyfoeth Naturiol Cymru] yn cael ei groesawu, mae angen cymorth yr ar awdurdodau lleol oddi wrth Lywodraeth Cymru i sicrhau bod yr isadeiledd hanfodol yn cael ei adfer cyn gynted â phosib…

“Mae nifer o fusnesau, cartrefi a chymunedau wedi cael eu taro’n wael dros y penwythnos, ac mae’n hanfodol bod cymorth ariannol ar gael yn syth ar gyfer y difrod y mae nifer wedi’i ddioddef.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed