Dim bwyd iach fforddiadwy mewn rhannau o Gymru

Diweddarwyd am  

Bwyd môr

Llun: CC0 trwy www.pixabay.com

Mae wyth ardal yng Nghymru yn cael eu cyfrif ymhlith y gwaethaf o ran mynediad pobol at fwyd maethlon a ffres sy’n fforddiadwy.

Ymysg yr ardaloedd dan sylw mae Casnewydd, Caerdydd, Powys a’r gogledd-ddwyrain.

Maen nhw wedi’u cynnwys mewn adroddiad, wedi ei gyhoeddi gan gwmni Kellogg’s, sy’n ystyried y mynediad sydd gan bobol at fwydydd fforddiadwy a maethlon.

Yn ôl yr adroddiad, mae 1.2m o bobol ledled gwledydd Prydan yn byw mewn ardaloedd sy’n cael eu cyfri’n “ardaloedd anialwch”, lle nad oes modd iddyn nhw brynu bwyd o safon am bris rhesymol.

Mae’n rhaid i’r bobol sy’n byw yn yr ardaloedd hyn ddibynnu felly ar siopau drutach sy’n llai tebygol o werthu bwyd maethlon.

 “Effaith sylweddol ar iechyd”

“Mae’r ffigyrau hyn yn bryderus wrth iddyn nhw ddangos bod diffyg bwyd maethlon yn cael effaith sylweddol ar iechyd pobol, ac mae’n edrych yn debyg mai’r bobol dlotaf sy’n cael eu heffeithio,” meddai llefarydd ar ran Kellogg’s.

“Mae hwn yn broblem gymhleth ac mae angen i sefydliadau, sy’n cynnwys awdurdodau lleol ac elusennau, gydweithio â’i gilydd i feddwl am atebion i’w cymunedau lleol.

“Does dim un datrysiad penodol ar gyfer y cyfan, ond rydym yn gobeithio bod y map o’r ‘ardaloedd anialwch’ yn gam ymlaen a fydd yn cychwyn y sgwrs ar lefel lleol.”

Cymru

Ymhlith yr ardaloedd gyda’r ganran uchaf yng Nghymru o bobol sy’n methu cael mynediad at fwyd maethlon, fforddiadwy, am nad oes ganddyn nhw geir, mae:

  • Rhosnesni (Wrecsam) – 47.4%;
  • Bishpool, Llyswyry (Casnewydd) – 46.9%;
  • Y Rhyl – 40%;
  • Llaneirwg (Caerdydd) – 38.9%;
  • Rhymni, Towbridge (Caerdydd) – 38.9%;
  • Milffwrd, Faenor, Trehafren, Maesyrhandir (Y Drenewydd) – 28.7%;
  • Bryn-mawr, Pont-y-gof, Clydach – 28.4%;
  • Rhigos, Hirwaun, Pen-y-waun, Cefn Rhigos, Penderyn, Llwydcoed – 28.4%.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed