Lansio cynllun i gadw ysgolion gwledig yn “gynaliadwy”

Diweddarwyd am  
Pen ac ysgwyddau Kirsty Williams

Kirsty Williams, Ysgrifennydd Addysg Cymru

Llun: Cynulliad Cenedlaethol Cymru CC 2.0

Bydd cynllun i gadw ysgolion gwledig yn “gynaliadwy” yn cael ei lansio’n ddiweddarach heddiw (Hydref 12).

Dan y ‘Cynllun Gweithredu Addysg Wledig’ bydd Llywodraeth Cymru yn ymrwymo i gadw ysgolion gwledig ar agor, a byddan nhw’n anelu at wella eu cysylltiadau rhyngrwyd.

Hefyd, bydd technoleg fideo yn cael ei chyflwyno mewn dosbarthiadau gwledig, a fydd yn eu galluogi i ‘ymuno’ o bell â dosbarthiadau mewn ysgolion eraill.

‘E-sgol’ yw’r enw am hyn, ac mae’n debyg y bydd yn galluogi i ddisgyblion mewn ysgolion gwledig gymryd mantais ar ystod ehangach o bynciau yn y Gymraeg a’r Saesneg.

“Cysylltu”

Bydd y cynllun yn cael ei lansio gan yr Ysgrifennydd Addysg, Kirsty Williams, ac mae hi’n ffyddiog y bydd y prosiect yn “cysylltu disgyblion … ar hyd a lled y wlad”

“Bydd yn sicrhau eu bod yn cael y profiad dysgu gorau hyd yn oed yn ardaloedd mwyaf gwledig y Deyrnas Unedig,” meddai Kirsty Williams.

“Os ydym yn sicrhau bod gan ddisgyblion ac ysgolion yng nghefn gwlad Cymru y cymorth iawn i lwyddo, yna gallwn sicrhau bod ein cymunedau gwledig a’n heconomi yn mynd o nerth i nerth.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed