Cyngor Casnewydd eisiau agor pedwaredd ysgol gynradd Gymraeg

Diweddarwyd am  

Mae Cyngor Dinas Casnewydd yn gobeithio agor ei phedwaredd ysgol gynradd Gymraeg erbyn mis Medi 2020.

Daw hyn wrth i Gynllun Strategol Cymraeg mewn Addysg (WESP) yr awdurdod lleol gael ei gymeradwyo gan Lywodraeth Cymru.

Mae’r cynllun yn nodi sut fydd addysg Gymraeg yn y ddinas yn cael ei datblygu, a’r nod yw agor yw ysgol gynradd newydd a fydd yn darparu addysg Gymraeg.

Mae’r cyngor yn dweud y bydd agor y bedwaredd ysgol yn cynyddu’r lleoedd mewn addysg gynradd Gymraeg ledled y ddinas o 50%. Ond dyw lleoliad yr ysgol newydd ddim wedi’i gadarnhau eto.

“Rydym wedi dangos ymrwymiad clir i’r Gymraeg fel Cyngor ac rwyf wrth fy modd ein bod bellach wedi cael sêl bendith Llywodraeth Cymru yn swyddogol,” meddai Debbie Wilcox, Arweinydd Cyngor Dinas Casnewydd.

“Mae’r cynllun yn cynnwys cynnig i agor pedwaredd ysgol gynradd Gymraeg yng Nghasnewydd, ac rydym yn falch iawn bod Llywodraeth Cymru wedi gallu cefnogi’r ysgol hon drwy arian cyfalaf – mae’n hwb go iawn i’r ddinas.”

Dywed yr aelod o’r Cabinet sy’n dal portffolio Addysg, Gail Giles, fod y cynllun yn “gam cadarnhaol i addysg” yn y ddinas, ac yn cefnogi nod Llywodraeth Cymru o gael miliwn o siaradwyr Cymraeg erbyn 2050.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed