Gwobr i gaffi seiclwyr yng Nghaerdydd

 

Mae caffi a bar yng Nghaerdydd wedi derbyn gwobr gan yr elusen, Cylcling UK, am fod y ganolfan orau yng Nghymru ar gyfer y gymuned seiclo.

Mae caffi ‘I Want To Ride My Bike’ wedi’i leoli yng nghanol y brifddinas, ac fe agorodd ei ddrysau am y tro cyntaf yn ystod cystadleuaeth y Tour de France fis Gorffennaf y llynedd.

Nod y lleoliad yw darparu cwrw a bwyd i gwsmeriaid, yn ogystal â sgriniau teledu mawr sy’n darlledu unrhyw gystadlaethau seiclo.

“Dydyn ni ddim yn gaffi sydd wedi’i leoli yng nghefn gwlad, ond yn gaffi sydd ynghanol y ddinas ac sy’n boblogaidd gyda myfyrwyr o’r brifysgol, grwpiau ymgyrchu lleol, a phobol sy’n gweithio yn y Cynulliad neu’r Amgueddfa Genedlaethol gerllaw,” meddai perchennog y caffi, Jonathan Wright.

“Ein nod yw annog mwy o bobol i adael eu ceir adref a seiclo i ganol dinas Caerdydd. Rydym hefyd yn ganolfan wybodaeth am y byd seiclo.”

Mae’r caffi wedi ennill y wobr am y caffi seiclo gorau yng nghategori Cymru, tra bo pedwar caffi arall wedi derbyn gwobrau yng nghategorïau’r Alban, Lloegr a Gogledd Iwerddon.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed