400km mewn caiac o Fôn i Abertawe

Diweddarwyd am  
Leigh Alexandra Woolford

Leigh Alexandra Woolford o Abertawe

Llun o’i thudalen codi arian

Mae dynes o Abertawe’n bwriadu teithio 400km mewn caiac o Fôn i Fae Abertawe i godi arian i brynu cadair olwyn i’w ffrind sydd â chyflwr niwrolegol prin.

Wrth sefydlu tudalen codi arian ar wefan Go Fund Me, dywed Leigh Alexandra Woolford fod gan ei ffrind Tina, sy’n 33 oed, gyflwr Friedrich’s Ataxia er pan oedd hi’n 17 oed.

Mae’r cyflwr niwrolegol prin yn achosi niwed i’r system nerfol a phroblemau symudedd sy’n gwaethygu dros gyfnod o amser.

Cefndir

Dywed bod ei ffrind “annibynnol, positif ac ysbrydoledig” wedi bod mewn cadair olwyn er pan oedd hi’n 21 oed, a bod dirfawr angen adnewyddu’r un sydd ganddi ar hyn o bryd.

Yn 2019, bydd Tina hithau’n seiclo mewn cadair seiclo o Fangor i Gaerdydd ac yn ôl Leigh, mae her ei ffrind wedi ei hysbrydoli hithau.

Ar ei thudalen Go Fund Me, dywed Leigh, “Dw i’n anelu i orffen yr her mewn dim mwy na phythefnos (os galla i ei chwblhau mewn llai o amser, bydda i’n hapus iawn), gyda gwerth 30-40km o badlo bob dydd.

“Dw i wedi cyffroi ond yn llawn ofn… ond 100% yn benderfynol o gwblhau hyn a sicrhau bod gan Tina yr olwynion gorau sydd ar gael iddi.”

Mae Leigh yn anelu i godi £5,000 gan egluro y bydd unrhyw arian dros ben yn cael ei roi i fad achub yr RNLI, gan y bydd hi’n teithio heibio 13 o orsafoedd ar ei ffordd ar hyd yr arfordir.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed