Adam Price yn addo “symud ar frys” at annibyniaeth

Diweddarwyd  

Adam Price AC

Llun: Plaid Cymru

“Newid gêr” nid newid ideolegol fydd Plaid Cymru dan arweiniad Adam Price.

Dyna ddywedodd yr Aelod Cynulliad ei hun, yn dilyn ei anerchiad i gynhadledd flynyddol Plaid Cymru yn Aberteifi, dydd Gwener (Medi 5).

Mae’r arweinydd yn dweud ei fod ef a Leanne Wood yn dod o’r un “traddodiad gwleidyddol”, gyda’r ddau yn sosialwyr, a’r ddau yn anelu at droi’r blaid yn un “gynhwysol”.

Ond mae’n mynnu bydd “pwyslais” y blaid yn wahanol gydag ef wrth y llyw, ac mi fyddan nhw’n “cyflymu” yn eu hymdrech at wireddu annibyniaeth i Gymru.

“Dw i’n cynrychioli’r awydd i symud ar frys,” meddai Adam Price wrth golwg360.

“Lle efallai bod yna ddadl: Ydy e’n realistig i ni geisio bwrw mlaen [ag annibyniaeth] mor fuan ag sy’n bosib? Mi fyddwn i’n dweud bod angen meddylfryd o frys radicalaidd. Newid gêr. Cyflymu.

“Rydym wedi gweld cynnydd araf a sefydlog dros gyfnod Leanne.

“Ond pe baem ni jest yn cario mlaen ar y raddfa yna, byddai’n cymryd hanner cenhedlaeth i ni gyrraedd y man lle rydym ni’n Llywodraethu. Felly, ie, cyflymu a symud lan gêr.”

Yr araith

Wrth annerch y gynhadledd, ymosododd Adam Price ar bolisïau Llywodraeth Cymru yn ymwneud â’r Gymraeg, a safiad Llywodraeth y Deyrnas Unedig tros Brexit.

Cyhoeddodd y byddai ymchwiliad yn cael ei gynnal i fecanwaith ymgyrchu’r blaid, a phwysleisiodd unwaith eto ei nod i wireddu annibyniaeth i Gymru.

“Does dim ateb i’r problemau rydym ni’n eu hwynebu heb annibyniaeth,” meddai. “Rydym ond yn medru datrys ein problemau, trwy eu perchnogi.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed