Gwerthu pentref cyfan yn Nyffryn Dyfi am yr un pris â thŷ yn Llundain

Diweddarwyd  

Rhes dai yn Aberllefenni

Llun oddi ar wefan y gwerthwr tai, Dafydd Hardy

Mae modd prynu pentref cyfan yn Nyffryn Dyfi am yr un pris â thŷ yn Llundain erbyn hyn.

Fe gafodd 16 o dai a thir amaethyddol ym mhentref chwarel Aberllefenni ger Machynlleth eu rhoi ar y farchnad am y tro cyntaf yn 2016 am bris o £1.5m. Ond erbyn hyn mae’r arwerthwyr, Dafydd Hardy, wedi torri £250,000 oddi ar y pris gwreiddiol ar ôl i neb ddangos diddordeb.

Mae’r arwerthwyr yn hysbysebu’r clwstwr o dai fel “buddsoddiad da” gyda “incwm sefydlog o renti”.

“Mae’r portffolio wedi’i leoli yn uchel yn Dyffryn Dyfi yn yr ardal wledig hon o ganolbarth Cymru,” medden nhw. “Mae pentref Aberllefenni yn cael ei amgylchynu gan gefn gwlad prydferth ynghanol llethrau coediog Coedwig Dyfi.”

Pentref hanesyddol

Cafodd y pentref ei adeiladu o gwmpas y diwydiant chwareli yn yr ardal, lle mae dyn wedi bod yn cloddio am y garreg las ers y 16eg ganrif.

Teulu John Lloyd o Waith Llechi Inigo Jones oedd yn berchen ar chwarel Aberllefenni a thai’r gweithwyr o’r 1960au ymlaen, tan iddyn nhw gau’r chwarel yn 2003.

Penderfynodd y perchnogion werthu’r cyfan o’u heiddo yn Aberllefenni yn 2016.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed